Абайдың шын аты - Ибраһим. Ол киелі шаңырақ - Шыңғыстаудың тумасы. Біз Абайды ең бірінші ұлтымыздан шыққан бас ақын деп танимыз. Абай шығармаларында қазақ халқының әлеуметтік, қоғамдық мәселелерін арқау еткен. Абай Шығыс пен Батыс мәдениеті мен өркениетін жетік білген. Бірқатар әлем ойшылдарының еңбектерімен жақсы таныс болған. Оның өлеңдері дүниетанымдық тереңдігімен құнды.
Маған ақынның: "Сен де бір кірпіш дүниеге, Кетігін тап та, бар қалан"- деген өлең жолдары ұнайды. Себебі, бұл жолдарда ақын: "бір өнерді үйрен. Ғылымды меңгер. Маман иесі бол"- деп бізге өсиет айтқан деп түсінемін.
Менің сүйікті құсым
Менің сүйікті құсым - қарлығаш. Ол - тұмсығы қысқа, қанаттары жіңішке әрі ұзын, дене бітімі ерекше сымбатты, саусақтары қысқа, әрі әлсіз, қара түсті жылтыр, салмағы өте жеңіл, кішкентай құс.Ол өте жақсы ұшады. Тіршілігінің көп уақытын ауада ұшып жүріп өткізеді. Су үстінен ұшып бара жатып-ақ су іше береді. Ұшып жүріп қорегін ұстап жейді. Дауысы онша қатты емес. Қарлығаш ұясын саз балшықтан жаратас қуыстарына салады.
Мен қарлығашты киелі, әрі сүйкімді құс деп ойлаймын. Себебі, ел ішінде қарлығаш туралы аңыздар көп. Иә,халқымыздың қарлығашты "киелі құс" деуі бекер емес.
