Менің ауылым
Мен ауылым - өзіміз тұратын қаладан жүз шақырым жерде орналасқан аудан орталағы. Онда менің нағашы атам мен әжем тұрады. Мен оларға демалыс кезінде барып демалып, әрі ауылдың таза ауасымен тыныстап, экологиялық таза өнімдерді жеп, біраз күш жинап қайтамын. Атама мал жайып, шөп жинауға да көмектесемін. Малға су құйып, қора жинаймын. Ауылдық жер болған соң, атқарылатын шаруа әрқашан көп. Қыс мезгілінде қар күрейміз.
Достарыммен бірге футбол ойнауды да ұмытпаймыз.
Ауылдағы өмір қызыққа толы. Мейрам уақытында жергілікті мәдениет үйінде концерт тамашалаймыз.
Ауылға барғанды қашанда асыға күтемін.
Жазғы демалыс жайлы диалог
- Оқу жылының аяқталуына да бірер күн қалды. Бекболат, сен жазғы демалыста не істейсің?
- Биылғы жылғы жазғы демалысты тағатсыздана күтіп жүрмін, себебі ата – анам туған күніме арнайы ағылшын тілін үйрену үшін Лондонға жолдама сыйлаған болатын.
- Не деген керемет сыйлық! Сен үшін өте қуаныштымын! Қашан жол жүрмексің?
- Маусымның бірінде жолға шығамын.
- Жалғыз өзің шетелге шығуға қорықпайсың ба?
- Жоқ, қорықпаймын, себебі мен жалғыз бармаймын, ағылшын тілін шыңдау мақсатымен қаламыздағы басқа мектеп оқушылары да менімен бір топта болады.
- Е, онда жақсы екен. Аман – есен барып келуіңе және біліміңді шыңдап келуге тілектеспін.
- Көп рахмет, Мәди. Бар ынта – жігерімді осы оқуға арнаймын ғой, себебі мен өз болашағымды шет тілдерімен байланыстырамын.
- Жақсы, көріскенше!
- Сау бол!
