Біз бейбітшілікті сүйеміз
Кез келген азамат үшін "бейбітшілік" сөзінің құны жоғары. Сондықтан да біз тыныш та, еркін заманда өмір сүргенді қалаймыз. Бейбітшілік деген адамзаттың өз елінде еркін өмір сүріп, шуы жоқ ортада өз болашағын құруы. Бейбіт заман барлық елдің басына қонатын бақ құсы емес. Әлемде таңының тыныш атып, күнінің тыныш батқанын армандайтын талай адамзат өмір сүріп жатыр. Әрбір жас азамат өз елінің тарихын, тарихи тұлғаларын, олардың өнегелі істерін оқып біліп, ұлттық дәстүрлеріміз бен әдет-ғұрыптарымызды, мәдениетімізді ұғынып, туған өлкеміздің тау-тасын, өзен-көлін, қазба байлығын өзімдікі деп сезініп, оны қорғай да білетіндей болу керек.
Әрбір азамат туған өлкесін, елін, жерін, салт-дәстүрін, тарихын құрметтейтін, сүйетін, мақтан тұтатын, Ұлтжанды азамат болу керек. Ол үшін өткенін біліп, бағалау керек. өзі туған қасиетті Отанын оттан да ыстық бағалау, сүю керек деп ойлаймын. Ұлтымыздың мақтанышы Қ.И.Сәтбаевтан шетелдіктер: қазақ деген халық сіз сияқты сымбатты да, ірі ме?дегенде, Қ.И.Сәтбаев:»халқым менен де биік, менен де сымбатты»-деген екен ендеше сол ағаларымыздай Ұлтжанды, білімді ұрпақ бола білейік. «Саусақ бірікпей, ине ілікпейді» дегендей, баршамыз бір шаңы¬рақ иесіндей жұдырықша жұмылар болсақ, бейбітшілікті әлемге ¬талай паш етеріміз белгілі. Бүгінгі еліміздің бейбітшілігі біздің ортақ еңбегіміздің нәтижесі.
Біріккен Ұлттар Ұйымы 1982 жылы бүкіл әлем бойынша тыныш заманды құруды ұсынып, Халықаралық Бейбітшілік күнін белгіледі. Содан бері бүкіл әлем халықтары 21 қыркүйекті бебітшілік күні ретінде атап өтеді. Бұл мереке адамдарға бейбітшіліктің не екендігін түсіндіріп қана қоймай, бейбіт заман үшін не жасау керектігін де ұғындырды.Сол жөнінде адамзаттың толғанып жүруіне ой салды. Әлемнің түкпір-түкпіріндегі халықтар бейбіт күннің ғұмырының ұзақ, тіпті мәңгілік болуы үшін күресуді бастап та кетті. Олар адамзаттың тыныш ұйқысын бұзып, баларды шат күлкісінен айыратын зұлматты оқиғалар мен үрейлі жәйттерді болғызбау үшін қолдарынан келгенді жасауға көшті. Осы бастама барысында олар бір-бірімен тәжірбие алмасып, жұмыстарына қызу кірісіп жүр. Сіз де, біз де бейбіт заманда өмір сүруге лайықпыз. Осы бейбіт заманның ғұмырының баянды болғанын тіледік.
Бостандық және жауапкершілік.
Көбіне біз жауапкершілік деп өз мойнымызға біреудің өтінішін алу деп түсінеміз. Бұл тар пікір. Себебі жауапкершілік – әлдеқайда үлкен ұғым. Тіпті оның бостандыққа тікелей қатысы бар.
Мен үшін «бостандық» сөзі «әділеттілік», «даму» сөздерімен бір қатарда тұрады. Бостандық – бұл бағыныштылықтың жоқтығы. Бостандық дегеніміз – бұл еркіндік, дәлірек айтсақ, өзіңіз қателіктер жіберіп, олар үшін өзіңіз жауап бересіз. Адамның тәуелсіздігі – оның мықты, ақыл-санасының көрсеткіші. Бұл жетілген тұлғаның белгісі. Бостандық - бұл рұқсат ету не алу емес, ең алдымен жауапкершілік. Не үшін? Сіздің қадамдарыңыз, әрекеттеріңіз, ойларыңыз үшін тек өзінің ғана жауап бересіз. Тіпті өміріңіз үшін де.
Ал осы жеке адам еркіндігін мемлекет тәуелсіздігімен қатар қоя аламыз ба? Әлбетте. Бір ел егеменді болса, оның дамуы не керсінше құлдырауы халықтың қолында. Яғни, тікелей сол елдің халқы ел болашағы үшін жауапты. "Бостандыққа апаратын жалғыз жол – ұлттық ынтымақ қана" деген екен Әлихан Бөкейханов. Расында да, егер біздің мемлекетімізде егемендіктің көк туы мәңгі желбіресін десек оның гүлденуіне өз үлесімізді қосу парызымыз деп білуіміз керек. Жан-жаққа жамырамай, жұдырықтай жиналып бір жауапкершілікті – тәуелсіз ел болуды арқалай алуымыз қажет.