Қазақстан - Отаным
Туыстарым, туған үйім мен үшін,
«Отан» деген - жылы ұям , кенішім.
Қарт әжемді , тіпті кейде бейтаныс,
Сыйғызамын осы сөзге , ел ішін.
Туған жер деп соғатытынын жүректің,
Сезген кезде шынайы бір дір еттім.
Ой- санамда қайнап жатқан сезімді,
Арнау етіп, Отаныма жыр еттім.
Жер жаннаты – Жетісуым керемет,
Көктемменен жамылады жер желек.
Қозы – лақпен түкті кілем үстінде,
Балалықпен мен де жүрем еркелеп.
Тамсанамын туған жердің көркіне,
Сені бізге ырыс-құт қып берді ме?!
Қазақстан - ұрпақтарға арман боп
Жеткен елсің , Тәуелсіздік сертіне!
Жеңіс күні.
Жеңіс күні – сан мыңдаған ұрпақ үшін ұлы мереке. Биыл адамзат тарихындағы ең сұрапыл, жойқын соғыс - Ұлы Отан соғысы аяқталғанына 74 жыл толады. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ.
Жеңіс күні – абыройымыз бен даңқымыздың мерекесі. Табандылық пен ерлік, Отанға деген сүйіспеншілік қатал соғыста Жеңіске жеткізді. Бұл күнді тек соғыс майданында ұрысқа қатысқан ардагерлер ғана емес, сонымен қатар майданға керекті оқ -дәрі мен азық-түлік жеткізуші тыл ардагерлері де тойлайды. Бірақ жыл өткен болашақ ұрпақтың бейбіт заманда өмір сүруіне бар үлестерін қосып, Отан үшін жас өмірлерін қыршыңнан қиюға дайын болған ардагерлеріміздің қатары сиреп келеді, әрине, бұл жайт көңілге қаяу салады. Дегенмен уақыт өз дегенін алары хақ.
Ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайды. Тәуелсіз Қазақстанымыз аспаны әрқашан ашық болсын! Жұдырықтай жұмылған, білектей біріккен кеңпейіл Қазақ елі жасасын!
Біз бейбітшілікті сүйеміз.
Бейбітшілік-ғаламдағы адамзат үшін ең құнды қазыналардың бірі.Біз татулығы жарасқан елде ғұмыр кешудеміз.Себебі,Қазақстанда 130-дан астам ұлт пен ұлыс өкілдері ынтымақтастықта тұрады.Біз,қазақтар,өзге ұлт өкілдерімен жанжалдаспай,керісінше олардың тілімізді,мәдениетімізді үйренуге деген құлшыныстарын қолдаймыз.Мысалы,біздің көршілеріміздің ұлты - кәрістер.Әрине,мәдениетіміз бен тілімізде үлкен айырмашылық бар.Алайда,біз олармен жақсы қарым-қатынастамыз.Олар қазақ тілін үйрену үстінде.Біз де олардың мәдениетінен біршама нәрсені үйреніп жүрміз.Осының барлығы біздің адамдар қай ұлт өкілдері болмасын олармен арадағы бейбітшілікті сүйетіндігіміздің айғағы.