Жеңіс күнімен құттықтау
Ұлы Жеңіс күні құтты болсын! Адамзат тарихындағы ең сұрапыл соғыстың аяқталғанына биыл 74 жыл толып отыр. Барлығымыз үшін Жеңіс күнінің қадірі аса ерекше. Біз бейбіт аспан астында өмір сүріп отырғанымыз - қан майданнан оралмай, Отаны үшін жанын пида еткен боздақтар мен осы күнге жеткен ардагерлеріміз бен тыл еңбеккерлерінің арқасы. Бұл мейрам – Отан қорғаудағы өшпес ерлік пен өлшеусіз даңқтың, халқымыздың шексіз қаһармандығы мен мұқалмас қажыр-қайратының ең айтулы мерекесі.
Осы қасиетті күні туған жеріне деген жанқиярлықтың үлгісін көрсеткен ардагерлеріміз бен тыл еңбеккерлері алдында бас иеміз. Бұл кісілерді сыйлау, құрметтеу, оларға ерекше қамқорлық көрсету баршамыздың міндетіміз деп білемін.
Осындай ерлік пен қайсарлыққа толы ұлы мереке еліміздің тарихында мәңгілік ұмытылмас із қалдырды. Барлық ардагерлерімізді осы қасиетті Жеңіс күнімен құттықтап, дендеріне саулық, отбастарына амандық, бақыт пен шаттық тілеймін.
Сіздердің ерен ерліктеріңіз, қажырлы еңбектеріңіз бен табандылықтарыңыз үшін , құрметті ардагерлер, Сіздердің алдарыңызда бас иеміз. Жүздеріңізді мұң шалмасын, көңілдеріңізге кірбің түспесін, қатарларыңыз азаймасын, ардақты ардагер аталар мен әжелер!
Саяхатшылар тауға шығып, мəдени орындарды аралайды.
Бос уақытымды босқа өткізіп алып, емтихан кезінде қиналамын.