Өткен шақ
1. Мен ауылга өткен аптада келдім. 2. Сен кеше осы уақытта кітапханада болдың. 3. Олар кешкі астан соң теледидар көрді. 4. Гүлнұр бұны апасына да айтыпты.
Осы шақ
1. Анам мен апам қонақ күтуге дайындалып жатыр. 2. Алмас өз бөлмесінде сабақ оқып отыр. 3. Далада нөсер жаңбыр жауып тұр. 4. Мен емтихан жауабы қалай шығатынын уайымдап жүрмін.
Келер шақ
1. Досым екеуміз кітапханага ертең барамыз. 2. Ауылға жол түссе келесі аптада бармақпыз. 3. Кітапты бугін-ертеңдер бітірмекпін. 4. Шығарманың қорытындысын ертең айтады.
Қазақстандық спортшылар
Елімізде ауыз толтырып айтып, мақтанатындай спортшылар аз емес. Солардың ішінде ең алдымен Александр Винокуровты атап айтқым келеді. Ол - Қазақстанның және Астана Pro Team велокомандасының ең белгілі велошабандозы, «Vino» (Вино) деген атпен белгілі. 2012 жылғы Лондондағы XXX жазғы Олимпиада ойындарының чемпионы, Сидней Олимпиадасының вице чемпионы, әлем біріншілігінің қола жүлдегері, «Вуэльта» көпкүндігінің (2006 жыл) жеңімпазы. Оның есімі Қазақстанның спорт тарихына алтын әріппен жазылды десем, артық болмайды деп ойлаймын, себебі ол Қазақстаннан шыққан Олимпиада ойындарында алтын иеленген тұңғыш велошабандоз.
Еліміз Серік Сапиевті де мақтан тұтады. Ол ең танымал боксшылардың бірі, олимпиада чемпионы, халықаралық спорт шебері, Қазақстанның бокс бойынша еңбек сіңірген спорт шебері. Оның есімі Қарағанды қаласында бокс орталығына берілген болатын.
Бұл ретте Илья Ильинді атамай кету мүмкін емес. Қазақстанның есімін бірнеше дүркін әлемге танытқан әйгілі спортшы. Ол - Қазақстандық зілтемірші (ауыр атлет). Қазақстандық тұңғыш олимпиада ойындарының екі дүркін чемпионы (2008, 2012), әлемнің төрт дүркін чемпионы (2005, 2006, 2011, 2014) және Қазақстан чемпионы. Қазақстанның еңбек сіңірген спорт шебері.
