Туған жер - тұғырым.
Менің кіндік қаным тамып, алғаш тәй-тәй басқан, алғаш «ана» деп күлім қаққан, киелі жерім, атамекенім бар, ол – тәуелсіз Қазақстан. Халық даналығы «Әркімге өз туған жері Мысыр шаһары» деп бекерге айтпаған.
Төбесі көкке тірелген таулары бар, көк-жасыл орман-тоғайлары бар, асу-асу белдері бар, қойнауы алтын астық пен малға толған кең жазира даласы бар Қазақстан әлемге әйгілі өте бай ел. Ұлан - байтақ далада төсін кеңге жайған, табиғаты әр алуан жан -жануарларға толы, аққулы көлдері бар, тулаған толқынды теңіздері бар, әсем қалалары бар достығы жарасқан көпұлтты мемлекет. Әнұранымен әйгілі, Туымен тұғырлы, Елтаңбасымен еңселі егемен елімізге қызыға қарамайтын ел жоқ шығар.
Мен өз елімді мақтан тұтамын. Елбасымыздың салиқалы саясатының арқасында жыл өткен сайын еліміз қарқынды дамып келеді. Қазақстанның әлемдік картада өзіндік ерекше орны бар. Қазақстандай дархан елде қаншама ұлт өкілдері тату - тәтті, бейбіт өмір сүріп жатыр.
Туған жерін жырға қоспаған, туған жері жайлы толғанбаған ақын-жазушылар жер бетінде жоқ шығар.
Қазақстанның кең даласындай байтақ дала еш жерде жоқ шығар. «Отаның-алтын бесігің», «Отаны жоқтық нағыз жоқтық»- деп дана халқымыз бекер айтпаған. Өз Отанын сүю, өз ана тілін ардақтау әрбір азаматтың бірінші міндеті.
Эссе
Жігітті жолдасына қарап бағала.
"Досы жоқ адам – тұзы жоқ тағам" дегендей,доссыз адамдар өз өмірлерін елестете алмаушы еді.Ойлап қараңыз, сіздің досыңыз жоқ.Кімге мұң-зарыңды айтасың?Кіммен қуанышыңды бөлісесің?Кімнен ақыл мен көмек сұрап,уақыт өткізесің?Көрдіңіз бе,достарсыз өмір жұпыны.
Арадағы достықта ең бастысы - адалдық.Сатқындық - ол көп кешіріле бермейтін нәрсе.Жолдасы көптің – олжасы көп.Ия,бірақ көп жолдастың бәрі адал ма?Адал достан басқа,амал дос та бар екенін ұмытпайық.Ондай достар өз қара басы үшін өзгелермен достасады.Олар сені өзімен бірге
тұңғиыққа батырады."Жігіт жолдасынан белгілі" деп бекер айтпаған ғой дана халқымыз.Жаныңдағы достарыңа қара.Олар адал ма?Сен оларға сай келесің бе?Араларыңда шынайы достық па?Осы сұрақтарға жауап беріп қана,адал дос пен амал досты ажырата аласың.Өзгелер сені өзіңе қарап емес,маңайындағы досыңа қарап бағалайды.
Әлемде досы үшін жанын қиып,досы үшін күні-түні дамылдамай жүргендер бар.Нағыз достар,менің ойымша,бір-бірін жақсы біледі,қателіктеріне көрсетіп отырады,қиындықта жанынан табылып,қуанышта саған ортақтасып,өз адалдығын көрсетеді.Мұхтар Шаханов:
Ер жігіттің ел сенер
Сенім — атасы.
Достықпенен өлшенер
Ұлттың сапасы,-дегендей,достық ол болмашы нәрсе емес,ол әлдеқайда үлкен ұғым.Жанымыздағы шын достарымызды бағалай білейік!