Алғыс айту күні - қасиетті де салтанатты күн.
Елбасының жарлығына сәйкес 1 наурыз күні біз жалпыхалықтық мереке - Алғыс айту күнін атап өтудеміз. Бұл мереке біздің ортақ тарихымыздың символы, Қазақстан халқының жалпыұлттық бірлігінің, құрметі мен ынтымағының күні.
Бұл мереке - Мәңгілік еліміздің ертеңіне деген нық сенімі. Елбасы Нұрсұлтан Әбішұлы Назарбаевтың бастамасымен бекітілген Алғыс айту күні - бейбітшілік пен келісімнің президенттік саясатының жарқын көрінісіне айналды.
Мемлекет басшысының салиқалы саясатының арқасында елімізде өзара түсіністік пен ұлтаралық келісім қалыптасты.
Бұл күні еліміздің тұрғындары миллиондаған адамдардың өз ұлттық ерекшеліктерін сақтап, бақытын тапқан Отанына айналған киелі қазақ жеріне, қайырымдылығы мен кеңпейілдігі, даналығы мен қонақжайлығы үшін қазақ халқына алғыс айтамыз. Қиын-қыстау жағдайда бір-біріне қол ұшын созып, иық тіреп көмек көрсету - еліміздің бағзыдан бері қалыптасқан қағидасы.
Бұл күні біз тәуелсіздік сыйлаған ата-бабаларымызды ризашылықпен еске алып, ата-аналарымызға, мұғалімдерімізге, ардагерлерімізге, бір-бірімізге алғыс айтып, халқымыздың қайырымдылық дәстүрлерін жалғастырамыз.
Қазақ тілін үйрену қажеттігі туралы.
1. "Өзге тілдің бәрін біл, өз тіліңді құрметте" деген мақалды есте ұстап, әуелі өз ана тілімізді жетік меңгеруден бастайық.
2. "Өз тілің - бірлік үшін, өзге тілің - тірлік үшін" деп аталарымыз айтқандай, қазақ тілімен қатар өзге тілдерді де меңгеру - қазіргі заман талабы.
3. "Ана тілің алпыс тілге татиды" демекші, ана тіліміз - біздің бойымызға ана сүтімен дарыған байлығымыз.
4. "Тілін білмейтіндер емес, тілін білгісі келмейтіндер - мәңгүрт" деген мақалдағыдай мәңгүрт болмай, қазақ тілін үйренейік дегім келеді.
5. "Анам берген туған тілім,
Атам берген құрал тілім" деген мақалда айтылғандай, ана тілімізді дәріптеп, қадір тұтайық.
Балаларға арналған «Балбұлақ» журналы туралы сұхбат.
Аспандияр: Әпке, маған қазақ тілінен сұхбат өткізіп, жауаптарын жазып алу керек еді, көмектесіп жібересіз бе?
Әпкесі: Әрине, қане сұрақтарың болса, жауап берейін.
Аспандияр: Балаларға арналған қандай басылымдар мен электронды журналдарды білесіз?
Әпкесі: «Айгөлек», «Ақ жұлдыз», «Балдырған», «Балбұлақ»... Есіме түскендері осы.
Аспандияр: Бәрекелді, сұхбатымыз осы «Балбұлақ» журналы туралы болмақ. Естуіңіз бар ма? Бұл журнал туралы не білесіз?
Әпкесі: Әрине, білемін. Төменгі сыныптарда оқып жүрген кезімізде біз де бұл журналды оқыған болатынбыз. «Балбұлақ» - балалар мен жасөспірімдердің табигі қабілетін оятып, талабын шыңдауға бағытталған ақпараттық танымдық журнал.
Аспандияр: Бұл журнал қай уақыттан бастап шығады?
Әпкесі: Қателеспесем, 2011 жылдың қырқүйек айынан бастап шығады.
Аспандияр: Ал бұл журнал несімен ерекшеленеді, ішінде балаларға арналған қандай материал басылып шығады?
Әпкесі: Бұл журналдың ерекшелігі – Интернет кеңістігіндегі электронды журнал. Журналда бүлдіршіндердің көкжиегін кеңейтер ертегілер, аңыз-әңгімелер, жаңылтпаш, тақпақтар, жұмбақтар, танымдық материалдар қамтылған.
Аспандияр: Мазмұнды сұхбатыңызға үлкен рахмет, әпке!
Әпкесі: Оқасы жоқ, жаным!