Дәрігер болғым келеді.
Елбасымыз Нұрсұлтан Әбішұлы Назарбаев: “Жарқын болашақ жастардың қолында” дегендей, біздің болашағымыз өз қолымызда.
Мені өскенде кім боламын, қандай мамандықты таңдаймын деп ойланамын. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.
Мамандық таңдау өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.
Менің арманым дәрігер болу. Дәрігер болуды жаным сүйеді. Дәрігер ол өзінің адамдарға берген шипасы, адамды сауықтырып, адамдарды өмір сүруге күш салатын жандар!
Дәрігерлерді халқымыз әдетте "ақ халатты абзал жандар" деп атайды. Себебі олар науқастарды емдеп, олардың жандарына араша түседі. Науқастардың жазылып кетуіне бар білімін, күш - жігерін жұмсап, аянбай еңбек етеді. Дәрігер болу үлкен жауапкершілікті талап етеді. Өйткені ол кісілер қашан болмасын көмекке келуге әзір болу керек. Бұл кісілер тынымсыз еңбек етеді.
Дәрігер болу үшін асқан шыдамдылық та керек, өйткені дәрігер болу үшін ұзақ жылдар ізденіп, оқу керек. Бірақ соңында емдеген адамың жазылып кетсе, одан асқан қуаныш пен бақыт жоқ деп ойлаймын. Бұл деген сенің еңбегіңнің бағаланғаны.
Дәрігер болу үшін өз жұмысыңа салғырт қарамай, тиянақты болу керек. Себебі адам өмірі мен денсаулығына қауіп төнуі мүмкін.
Болашақ мамандығымды дұрыс таңдадым деп нық сенемін.
Алматы – қазақ мәдениетінің қара шаңырағы.
Асқар Алатаудың баурайында орналасқан Алматы қаласы - еліміздің оңтүстік астанасы ғана емес, сонымен қатар Қазақстанның мәдениеті мен ғылымының ордасы, қара шаңырағы. Бұл жерде бірнеше мемлекеттік театрлар, атап айтқанда Абай атындағы қазақ мемлекеттік академиялық опера және балет театры, Мұхтар Әуезов атындағы қазақ академиялық драма театры, М.Ю.Лермонотов атындағы мемлекеттік академиялық орыс драма театры, Ғ.Мүсірепов атындағы жасөспірімдер және балаларға арналған мемлекеттік академиялық қазақ театры т.б сынды мәдениет ордалары орналасқан. Алматы қаласында тек мемлекеттік деңгейде ғана емес, сонымен қатар халықаралық деңгейде бірнеше түрлі мәдениет іс – шаралары, өнер додалары, ғылыми – практикалық конференциялар, жарыстар өткізіліп тұрады, солардың бір мысалы 1990 жылдан Алматыда жыл сайын өткізілетін халықаралық "Азия дауысы" музыка және ән фестивалі өнер мерекесіне айналдырылды.
Алматы қаласында алғашқы қазақ интеллигенциясының жетілуіне ерекше ықпал еткен, ХХ ғасырдың 20-30 жылдарында Қазақ Мемлекеттік педагогикалық институты, Алматы зоотехникалық малдәрігерлік институты, Қазақ ауыл шаруашылығы институты, Қазақ медициналық институты, Қазақ мемлекеттік университеті ашылды.