Ата-бабаларымыз «Дені саудың жаны сау» деп бекер айтпаса керек. Денсаулық мықты болса, а әр кез сымбатты көрініп, көтеріңкі көңіл-күйде жүретін болады.Қазіргі таңда таза ауаға шығып, табиғат аясында демалуға көп мүмкіндік бола бермейді. Сондықтан да ауасы тарылған ортада тыныс алуды үйренген жөн. Күнделікті таңертең оянған бойда төсектен тұрмастан 20 рет терең тыныстау керек, кейін 30-40 минут таза ауада жаяу жүріп, сергіген абзал. Мүмкін болса, таңертең жылы душ қабылдаса игі. Сондай-ақ, таңғы жаттығуларды жасауды ұмытпаңыз.
Менің сүйікті жыл мезгілім
Көктем - менің ең сүйікті жыл мезгілім.
Шуақты көктемді табиғатта тіршілік иесінің бәрі тағаттана күтеді десем, артық айтпаспын. Себебі көктем келісімен, айналадағы тіршілік атаулының бәрі көктем келісімен қысқы ұйқыдан оянып, табиғат ана қысқы ұйқысынан оянып, жер жүзі құлпыра түседі. Күннің көзі жарқырай түсіп, жылы жақтан құстар қайтып, бейне бір "көктем келді!" деп айналаға жар салғандай әндете түседі. Жердің бетіндегі қар еріп, алғашқы бәйшешектер шыға бастайды. Сәлден соң ағаштар бүршік жарып, олар кейіннен жапыраққа айналады. Осылайша табиғатқа жан бітіп, жанданғандай күй кешеді. Міне, осының бәрі ғажап бір көрініс емес пе?!
Қайсысы бірінші болып келді?
Жазғы демалыс басталысымен әдеттегідей нағашы атам мен әжемнің ауылына аттандым. Сол жақтағы өткізген демалыс күндерім ерекше есте сақталады. Таң атысымен атам мен әжеме үй шаруасы мен малды жайғастыруға көмектессем, түстен кейін достарыммен мәре - сәре болып ойнаймыз.
Осындай күндердің бірінде аулада жүріп, тоғанда жүзіп жүрген тауық пен үйрек балапанына көзім түсті. Екеуі кіп - кішкентай болғанымен әжептәуір жүзіп жүр екен, тіпті бір - бірімен жарысып та жүрген секілді көрінді. Бұл көрініске қызығып қарап тұрдым. Кішкене тоғанның арғы жағына жүзіп өту үшін де біраз күш - жігер керегі анық. Біраз жерге дейін екі балапан да бірдей келе жатты, дегенмен ақырында үйрек балапаны басып озып, бірінші болып келді.