Kurtak — 1) yuksak oʻsimliklarning novda kurtagi. K. uchki qismida oʻsish konusi boʻlgan boshlangʻich poya va oʻzaro zich joylashgan har xil yoshdagi bargchalardan (vegetati v K.) yoki ular bilan birga oʻrnashgan boshlangʻich gul va tuigullardan (generativ K.) iborat. Boshlangich gul K. gʻuncha deyiladi. Qishlaydigan K. sirtdan qoʻngʻir qobiq (shakli oʻzgargan barglar) bilan qoplangan. K. novdaning uchida (uchki K.), barg qoʻltigʻida (barg K.) yoki poyaning boshqa qismlari, ildiz, baʼzan barglarda (qoʻshimcha K.) boʻladi. Bahorda yozilmaydigan va novdada rivojlanmay turgan K. uyqudagi (yashirin) K. deyiladi. Oʻsimlik kesilganida yoki singanida bunday K.dan yangi novda oʻsib chiqadi. Oʻsimliklarning bu xususiyatidan bir tur oʻsimlikni boshqa tur oʻsimlikka payvandlashda foydalaniladi;2) baʼzi umurtqasiz hayvonlar (boʻshliqichlilar, halqali chuvalchanglar va boshqalar)da ova organizmida rivojlanayotgan jinssiz yoki jinsiy yosh organizm
