Объяснение:
Өнер –халық тарихының асыл шежіресі. Осы өнер арқылы өмірдің кең тынысы, тіршілік құбылыстары, адамның ішкі дүниесінің әртүрлі сезімі бейнеленеді. Сөз, әуен, қолөнер адам өмірінің сан ғасырлық тарихының көзіндей болып, алуан түрлі сыр шертеді. #Өнер ұрпақтан ұрпаққа жалғасып, болашақ үшін тарих сахнасына айналады.
Өнер – таусылмас азық,
Жұтамас байлық, - демекші өнерлі жанның өмірі өрнекке толы, өмірі өзгеге үлгі болары анық. Қазақ халқы өнерден құр алақан емес. Халқымыздың қанына сіңген құдіретті өнері ауыз толтырып айтарлық. «Әу!» демейтін қазақ жоқ демекші, біздің қалқымыз күміс көмей, жез таңдай әншілігімен, мың бұралған бишілігімен, күмбірлеткен күйшілігімен, «сөз қадірін-өз қадірім» дейтін шешендігімен мәлім.
Мемлекеттің болашақта әрі қарай дамуы мен гүлденуі тікелей жастарға байланысты болатындықтан, қоғамның белсенді буыны, елдің ертеңі жастардың тәрбиесіне баса көңіл аударуды уақыт талап етуде.
Жастардың білім алу, мамандық таңдау, рухани ұстанымдарын қалыптастыру, қоғамдағы өз орнын табу секілді әлеуметтік кезеңдерден өтуі – өмір заңдылығы. Осы әлеуметтік кезеңдерде жеке адамның тұлға болып қалыптасуына көптеген жағдайлар әсер етеді.
«Отан отбасынан басталатындықтан» ата-ананың тәрбиесімен бойға даритын ізгілікті балабақшада дамытып, мектеп пен жоғарғы оқу орындарында рухани және дәстүрлі құндылықтарды жастардың санасына сіңіру – оның тұлға болып қалыптасуына ықпал ететін маңызды іс.
Қазіргі қоғамда жастарға байланысты көп айтылатын келеңсіздіктің бірі – үлкенге құрмет, кішіге ізет көрсетпеу. Атап айтқанда, қоғамдық орындарда үлкендерді сыйламау, ата-анасын тыңдамау секілді құбылыстар байқалады. Соның бір мысалы – қоғамдық көліктің ішіне үлкен кісі кіргенде жастардың көрмегендей сыңай танытып, орын бермеуі.