Баяғыда бір алып шаһар болыпты. Ол шаһарда ешқандайда бағдаршам болмаған екен. Сол себепті де, ол шаһардағы көліктер жол ережесін білмей, үнемі бір-бірімен соқтығысып қала береді екен. Көліктердің кесірінен шаһардағы адамдар да көшеге шығудан қалған. Бір күні бір кішкентай бала түрлі түсті қағаздармен ойнап отырады. Қызыл, сары, жасыл түсті қағаздар баланың ойына ерекше ой салады. Бала сол түстерді қолына ұстап, көшеге шығады да көліктерді ары-бері жөнелтеді екен. Сол кезде кішкентай баланың жасаған ісін үлкен адамдар əрі қарай жалғастырып кетеді. Баланың жасаған бағдаршамы алып шаһардағы ең ерекше бағдаршам болып қала береді.
Сан ғасыр бостан болар күнін күткен,
Алаш ел биік бүгін білімді ұлтпен.
Талай шаһар бабалар салғаны анық,
Тарих боп көне жұртта сырын бүккен.
Таусылмас шежіресі, сірә, қатпар,
Өткеннен сыр іздесең мұраны ақтар,
Сыр бойында қорған боп жатқан жоқ па -
Ескі астана - Жанкент шаһар, Сығанақтар.
Қазақ өсті болмысы арға тұнған,
Кешеден бүгінгіге жалғатып ән.
Іздеген жан тарихтың табар ізін
Орынбор, Қызылорда мен Алматыдан.
Өткенін танып ел де сүйінген-ді,
Үйренді ұлт сол арқылы иілмеуді.
Талайға тәлім берген заман көші
Арқада Астана боп түйінделді.
Тәуелсіз боп іргесі қаланғасын,
Белгілі елге ешкім сын таға алмасы.
Бұл қаланың өзгеден жөні бөлек,
Өйткені ол - Еркіндік Елордасы.
Жүзеге асып Елбасы бастамасы,
Мойындады ұлтымды дос та, қасы.
Сарыарқаның төрінде - сәнді шаһар,
Ол - Қазақтың Елінің Астанасы!