СӨЗ ТҰЛҒАСЫ. ТУЫНДЫ СӨЗ, ЖАСАЛУЫ. ТҮБІР МЕН ҚОСЫМША. ҚОСЫМШАНЫҢ ТҮРЛЕРІ
Главная ЕНТ Казахский язык Сөзжасам Сөз тұлғасы. Туынды сөз, жасалуы. Түбір мен қосымша. Қосымшаның түрлері
КОНСПЕКТ
Морфология сөз және оның формаларын тексереді. Сөз формасына сөздің негізгі және туынды түбірі, біріккен, қосарланған, қысқарған сөздер, әртүрлі қосымшалар: сөз тудыратын, сөзге қосымша мағына беретін, сөз бен сөзді байланыстыратын түрлері енеді.
Морфология сөзді топтарға бөліп, олардың әрқайсысына тән грамматикалық формаларын анықтайды. Әр сөз табына тән категориялардың ерекшелігін қарастырады.
Сөз түбір мен қосымша сияқты түрлі бөлшектерден тұрады. Сөздің бастапқы мағына беретін ең түпкі бөлшегі түбір деп аталады. Мысалы, жақсы, ғылым, адам, дәптер, тау, өзен, тіле, көр, тап, парасат, т.б. Түбірге жалғанған бөлшек қосымша деп аталады. Мысалы, жақсы+лық, ғылым+ды, адам+дық, дәптер+ге, тау+лар, өзен+де, тілек+тес, табыс+ты, парасат+ты+лық, адам+гершілік, ана+сы+мен. т.б.
Қосымша жалғанған сөз қосымшалы сөз деп аталады.
Қосымшаның екі түрі бар:
1) жұрнақ;
2) жалғау.
Жұрнақ өзі жалғанған сөздің мағынасын өзгертіп, жаңа сөз тудырады және өзі жалғанған сөздің рең мәнін түрлендіреді.
Жұрнақ екіге бөлінеді:
1) сөз тудырушы жұрнақтар;
2) сөз түрлендіруші жұрнақтар.
Сөз тудырушы жұрнақ өзі жалғанған сөздің мағынасын өзгертіп, жаңа сөз тудырады. Мысалы, ақыл + ды + лық, көр + еген + ді + лік, әдіс + кер + лік, талғам + паз + дық, сүз + еген, шаш + ыра + ңқы, би + ші, қобыз + шы, құм + айт, шөл + ейт, т.б.
Сөз түрлендіруші жұрнақ өзі жалғанған сөздің рең мәнін ғана түрлендіреді, негізгі мағынасын өзгертпейді, жаңа сөз тудырмайды. Мысалы, жапырақ + ша, көл + шік, қора + шық, апа + тай, ата + й, сар + ғыш, қыз + ғылтым, ағ(а) + еке, т.б.
Сөз тұлғасына қарай екіге бөлінеді:
1) негізгі сөз;
2) туынды сөз.
Негізгі сөз – ары қарай бөлшектеуге келмейтін түбір тұлғадағы сөз.
Мысалы, жұлдыз, жең, оқы, сегіз, шапшаң, ыдыс т.б.
Туынды сөз – жұрнақ жалғану арқылы жасалған сөз. Мысалы, жұлдыз+шы, жеңіл+дік, оқы+мысты, бой+шаң, еңбек+тен, сабыр+лы, дін+дар, арба+кеш, кітап+хана+шы т. б.
Туынды сөз әртүрлі сөз табына сөз тудырушы жұрнақ жалғану арқылы жасалады.
А жасы ұлғайған сайын ой-санасы өсіп,өмірге деген көзқарасы өзгереді.Осы адамның өсу кезеңінде оның ортасы өте маңызды.Әсіресе,жанына жақын адамдары, яғни,отбасысы және ағайындары ол адамға жақын қарым-қатынас жасап,қолдау көрсетуі қажет.Бұл кезең көбінесе жасөспірім кезеңде болып жатады.Отбасылық ұрыс-керістер мен кайшылықтар баланың психологиясына әсерін тигізеді.Тәрбие отбасыдан басталып,одан әрі жалғасып кетеді.Әрбір отбасыдағы болған жайттар тарихқа негізделіп,отбасылық құндылыққа саналады.Шығарма авторы осы өмірлік қағидаларды өзінің ұстанымына айналдырып,өмірден өз орнын таба білген талант
Объяснение: