Ана тілім-ата-бабамыздан мирас болып келе жатқан баға жетпес мұра. Демек әр адам ана тілін көзінің қарашығындай қорғауға, оның тазалығын сақтауға тиіс. Амал не, туған тілімізді шұбарлап, басқа тілдің сөздерімен араластырып сөйлейтіндерді жиі көремін. Тіпті, туған тілінен безетін сорақыларды да, менсінбеушілікпен қарап, қазақша сөйлеуге ұялатындарды көргенде, белгілі орыс жазушысы К.Г. Паустовскийдің «Туған тіліне жаны ашымаған адам - жәндік» деген сөзі ойыма еріксіз оралады.
Ана тілі - ар өлшемі. Олай болса, тілді шұбарлау - арды шұбарлау, көңіл тұнығын майлау. Ең жақсы адам - ана тілін құрметтеген адам. Бұл сенің басқа тілді меңгеруіңе бөгет болмайды, қайта сені адамгершілікке, шын патриот болуға жетелейді. Ана тілдің терең иірімдеріне бойлай білу – саналы адам болғысы келетін жас адамның бірінші парызы. Ол – туған жеріңді, еліңді, сүйікті Отаныңды сүйе білу деген сөз. Ақиық ақын М.Мақатаев «Отан» атты өлеңінде:
Мен оның түнін сүйем, күнін сүйем
Ағынды өзен, асқар тау, гүлін сүйем.
Мен оның қасиетті тілін сүйем
Мен оның құдіретті үнін сүйем, – деп Отанды сүюдің, ана тілін сүюдің құдіретті биік сезім екендігін білдіреді.
Менің елім - көп ұлтты Қазақстан. Қанша ұлттың баласы бір анадан туғандай тату-тәтті өмір сүріп жатыр. Қазақстанда ұлттар арасында татулық пен бірлік, ынтымақтастық пен достық орнағаны - бәріміз үшін мақтаныш. Бұл - біздің Елбасымыз Нұрсұлтан Назарбаевтың сарабдал саясатының, дана ойларының жемісі. Елімізді жарқын болашаққа жетелейтін, халық мүддесін ғана ойлайтын Елбасының арқасында біз, қазақ елі, мәңгілік ел болып қала бермекпіз.
Мұқағали Мақатаев жайлы сұрақтар.
1. Мұқағали Мақатаев қай жерде дүниеге келген?
Алматы облысы, Нарынқол ауданы, Шалкөде ауылында дүниеге келген.
2. Мұқағали Мақатаевтың өмір жылдары? (1931 - 1976)
3. Мұқағали Мақатаев қай жерде білім алған? ҚазМУ-дың филология факултетінде, Қазақ мемлекеттік университетінің филология факультеттерінде оқып және Мәскеудегі М. Горький атындағы әлем әдебиеті институтында білім алады.
4. Мұқағали Мақатаев қай жылы отау құрды? 1949 жылы.
5. Мұқағали Мақатаевтың жарының есімі? Лашын
6. Қай жылы Алматыға қоныс аударып, әдеби ортаға етене араласа бастайды? 1962 жылы.
7. Қандай газет - журналдар редакциясында жұмыс істеген? «Социалистік Қазақстан» (қазіргі «Егемен Қазақстан») газетінің (1962-1963 жж.), «Мәдениет және тұрмыс» (қазіргі «Парасат») (1963-1965 жж.), «Жұлдыз» (1965-1972 жж.) журналдарының редакциясында жұмыс істеген.
8. Ақынның тұңғыш өлеңдері қандай газеттерде жарияланған? "Қырман басында”, “Қойшы бала — Әкітай” ауданындағы “Советтік шекара”.
9. Мұқағалидың талантын алғашқы болып кім бағалаған? Ә.Тәжібаев.
10. Ақынның қандай шығармаларымен таныссыздар? Мұқағалидің “Қарлығашым, келдің бе?”, “Дариға жүрек”, “Аққулар ұйықтағанда”, “Шуағым менің”, “Соғады жүрек”, “Шолпан”, “Жырлайды жүрек”, “Өмір - өзен”, ”Өмір - дастан” және т.б. жыр жинақтары, сондай - ақ, “Қош, махаббат!” атты прозалық кітабы да бар.
а деп ойлаймын мәтінді оқысай