Қуыршақ театры туралы диалог құрастыру.
Мұғалім: Балалар, осы демалыс күні қаламыздағы қуыршақ театрына барып, жаңа қойлып тамашалап қайтайық, қалай қарайсыңдар?
Оқушылар: Жақсы, апай. Әрине, өте жақсы болар еді.
Мұғалім: Қанеки, кім біледі екен - қаламыздағы қуыршвқ театры қай жылы ашылған?
Мейрамбек: Апай, мен білемін. Біздің қаламызда 1959 жылы құрылған балалар сарайының қуыршақ театры жұмыс істейді. Әрбір мерекеге орай міндетті түрде сахналанған көрініс әзірлеп, лық толы зал жинайды.
Мұғалім: Жарайсың, Мейрамбек! Қайдан білдің?
Мейрамбек: Ата - анаммен театрға барғанымда фойеде оқып, есімде сақтап алғанмын.
Мұғалім: Ал қуыршақ театрының қандай түрлерін білесіңдер?
Еркебұлан: Қуыршақтың түріне және оны қимылға келтіру тәсіліне қарай олар бірнеше түрге бөлінеді: киілмелі (қолға киіп ойнайтын), сылдырмақты (жіп немесе сым арқылы қозғалтатын), суретке түсірілген қуыршақтармен (қағаздағы қуыршақ кескінін экранға түсіретін) ойын көрсететін театрлар, т.б.
Мұғалім: Бәрекелді! Қарсы болмасаңдар таңертеңгі қойылымға барайық?
Оқушылар: Жақсы, апай!
Уақыт - қадірін білгенге қазына,
Білмегенге быламық.
Уақыт керуеніне бөгет жоқ.
Уақыттың бос өткені - өмірдің бос кеткені.
Жан жарасына уақыт емші.
Уақыт тас екеш тасты да тоздырады.
Әр нәрсе уақытында қызықты.
Мезгілі жетсе мұз да ерір.
Кеменің арбаға мінетін де,
Арбаның кемеге мінетін де кезі болады.
Ештен кеш жақсы.
Кешегі күннен алыс жоқ,
Ертеңгі күннен жақын жоқ.
Өткен күн - ұшқан құс,
Шақырсаң да келмейді.
Еңбектеп жылжысаң да ертеңге ұмтыл.
Қара тұяқ қарында жатпас,
Мезгіл болмай таң атпас.
Таң атпайын десе де,
Күн қоймайды.
Батар күннің атар таңы бар.
Ақ пен қызыл арасында.
Құдайдың күні тарыдан да көп.
Адамның жаманы бар,
Күннің жаманы жоқ.
Ғұмырың бір күн болса да, жорға мініп өт.
Жылдан жылға жел бетер.
Айда аяқ, жылда жілік жоқ.
Ай - айдың аты басқа,
Әр айдың оты басқа.
Туған Ай - тураған етпен бірдей.
Жаңа айдан жаңсылық.
Ескі айда есіркеп,
Жаңа айда жарылқа.
Жылан жылы жылыс болды,
Жылқы жылы ұрыс болды,
Қой жылы заңғар тоғыс болды.
Бірдің айы - білектің айы.
Үштің айы - күштің айы.
Көкек айы - көк ішек.
Ақпан-дақпан алты күн,
Аяғымен жеті жүн.
Үт келді - жұт келді.
Жақсы болса - құт,
Жаман болса - жұт.
Үт кірді, үсік шықты.
Әз (Наурыз) болмай, жаз болмайды,
Жаз болмай, мәз болмайды.
Есепшінің есебі кісесінде.
Жона бергеннің жұқарар кезі,
Соза бергеннің үзілер кезі.
Жуанның жіңішкерер,
Жіңішкенің үзілер шағы.
Сәуір болмай, тәуір болмас.
Сәуір болса, күн күркірер,
Күн күркіресе, көк дүркірер.
Бес тоғыста қар кетпес,
Үш тоғыста қар қалмас.
Қыстың соңы - жеті тоғыс,
Көктем басы - бес тоғыс.
Жаз жарлынікі, қыс әлдінікі.
Сәуірдегі жауын -
сауып тұрған сауын.
Сүмбіледе су суыр,
Таразыда таң суыр.
Ақырап ақырып келеді,
қарлы боранын шақырып келеді.
Қараша болмай, қар жаумас.
Қараша - қауыс,
Кәрі-құртаңды тауыс.
Кешегі жылға бүгін сай,
Былтырғы құлын - биыл тай.
Өткен күнде белгі жоқ.
Уақыт - көшкен керуен.