Жүйрік тоқтығын білдірмес,
Жомарт жоқтығын білдірмес.
Жоқшылық жомарт ердің
Қолын байлар.
Жомарт бергенін айтпас,
Ер айтқанынан қайтпас.
Жомарт жоқты білмейді, батыр көпті білмейді.
Шын жомарт жоқтығын білдірмес.
Қонақтың қаржысымен қой сойсаң,
Атымтай Жомарттан нең кем.
Арғымақтың желісінен,
Аруананың өрісі кең.
Берген жомарт емес,
Алған – жомарт.
Адамның жаманы — мылжың,
Жақсысы — жомарт.
Азат жанды құл қылайын десеңіз,
Шүлен тарат, қайтар содан есеңіз.
«Жомарт» ат берген ерге тағылады,
Ел-жұрты соған қарай ағылады.
Ақылды деп айтса болар
Айттырмай өзі білгенді.
Жомарт деп айтса болар
Сұратпай өзі бергенді.
Жомарт бергенін айтпас.
Бақылдық жүрген жерде
Жомарттық жасап болмайды.
Жүйрік тоқтығын білдірмес,
Жомарт жоқтығын білдірмес.
Жоқты бар десең – құт болар,
Барды жоқ десең – жұт болар.
Дәулетіне қарай сәулеті.