Қазақ тілі мен әдебиеті» пәнінен 2-тоқсан бойынша жиынтық бағалау тапсырмалары
Мәтінді мұқият оқып, төмендегі тапсырмаларды орындаңыз.
Түйе үстіндегі кітапхана
Персиялық ғалым Уазыр Сахиб кітапты ерекше жақсы көрген адам екен.Оның мыңнан аса қоры бар үлкен кітапханасы болыпты.Ол әрі мемлекет қайраткері әрі әскери адам болғандықтан, өмірінің тең жартысын ат үстінде, жорықта өткізген.Бір қызығы, ол жорыққа аттанғанда өзімен бірге осы кітапханасын да алып шығады екен. Кітапты артуға 400-дей түйе бөлінетін. Кітапты артқан түйелер керуені каталогқа ұқсайды екен. Түйелер барлық жорық жолында алфавит бойынша тізіліп жүрген.Ал кітапханашылар Уазыр Сахибқа кез келген уақытта керекті кітабын тез тауып апарады екен. Сөйтіп түйе үстіндегі кітапхана басқа да жауынгерлердің рухани азығы болған . «Кітап –білім бұлағы, білім-өмір шырағы » деген қазақта мақал бар. Қазақ халқы кітапты ерекше қастерлеген. Ежелгі Отырар қаласында үлкен кітапхана болған. Кейін жаушылық заманда өртеніп кеткен. Ал ерте заманда тасқа қашап жазылған кітаптар болған. Қазіргі Қазақстанды кітапханасыз елестету қиын.
1. Мәтіндегі тірек сөздерді анықтаңыз (3 сөз тіркесі).
2. Уазыр Сахиб қандай адам болғанын атаңыз.
3. Кітапты артуға қанша түйе бөлінген?
4. Түйелер не бойынша тізіліп жүрген?
5. Мәтіннің негізгі тақырыбын анықтаңыз.
