Мен ұнататын қысқы табиғат.
Кеше жапалақтап қар жауды.Бүгін таң сәріде тысқа шықсам,айнала мамық қарға оранған.Ал алтын күннің сәулесінен қар беті одан әрі жылтырай түскен.Қыстай тоздырамын деген шанамды сарайдан зорға дегенде шығарып алдым.Атам биік жерге жинап қойыпты.Қалың киімдерімді қар қазір ғана еріп кететіндей асығыс киіп алдым да далаға шанамды сүйреп шықтым.Мұз айдынының маңындағы алаңда мен секілді балалар аққала тұрғызып,асыр салып ойнап жүр.Мен де бос тұрмай төмпешіктен төмен қарай сырғи түстім.Байқаусызда көрші балалардың аққаласын түйіп кеттім.Олар маған жалт қарады.Мен олардан кешірім сұрадым да жаңадан аққала салып беруді жөн көрдім.Қыстың осы бір әдемі әрі қызықты күнінде күннің қалай батып бара жатқанын да байқамаппын.Анам алыстан дауыстап шақырды.Мен өзгелермен қоштасып,үйге қарай астымдағы күтірлеген қарға қызығып кете бардым.Үйге келіп жылындым да,терезедегі аяз салып кеткен әсем қырауларға тамсана қарадым.Қысқы табиғат маған осындай ғажаптағымен ұнайтын.Әрі маған биылғы қыс өте керемет өтетіндей көрінді.
Елбасы Н.Ә.Назарбаев кітап туралы былай деген екен:«Өзінің биік, таза, рухани қасиетімен Кітап мәдениет пен руханиятты қорғауда теңдесі жоқ қару болып табылады. Кітап а ағарту һәм білім сыйлайды.
Кітап беттерінде адамзат тіршілігінің сан қилы құпия сырлары сақталған.
Кітап –уақыт пен кеңістіктің тынысына толы адамзат ойының жемісі.
Адамзат кітапқа өзінің қасиетті сезімі мен жан жылуын сеніп тапсырған.
Кітап-ең сабырлы ұстаз.
Тек кітап қана қайырымдылық пен айуандықтың, ақиқат пен жалғанның ара жігін айнытпай танытып білуге үйретеді».
Ендеше,әрине,ең құнды сыйлық кітап болмақ.Әрбір ұлтжанды адам кітап оқығаннан ләззат алады.Сондықтан да,достарымыз бен туған-туыстарымызға кітаптар сыйлап , кітаптың қадіріне жетейік.