Мен мамандық Әлемінде
Мен – бақыттымын! Неге дейсіз бе? Неге деген сол сұрақты қойыңызшы маған. Өйткені, мен неге бақытты екенімді айтуға асығыспын! Тіпті айқайлап тұрып! Менің неге бақытты екенімді ұйықтап жатқан тіршілік иелеріде білсе деймін.
Міне, менің бақытымды бәрі бөлісіп жатыр!.. Тым көңілдімін! Төсегімнен дереу тұрып далаға шықтым! Мені күтіп тұрғандай! Айнала аппақ қар! Тап-таза ауаны көзімді жұмып тұрып құшарлана жұтып қайта жай ғана мейірленіп көзімді аштым. Керемет! Мына дүниені жан-тәніммен жақсы көріп кеткендеймін! Себебі: әр құбылыс, мысалға: айналадағы қар мен үшін жалт-жұлт етіп тұрғандай! Барлығын жан-тәніммен жақсы көріп, әр ісімді өзінше жаңартқым келгендей!
Мен бақыттымын! Неге дейсіз бе? Себебі, мен өмір сүріп жатырмын! Мен құр босқа өмір сүріп жатқаным жоқ, мен өмірді көріп, біліп жатырмын. Көріп-білген сайын өмір сүруді үйреніп жатырмын. Үйренген сайын өмірге деген құлшынысым мен арман-мақсаттарым артуда...
Бізді ғұмыр бойы, сірә, шаршатпай, шалдырмай, қалжыратпай, ұдайы биік арман асуларына бастап отыратын қандай күш екенін білесіз бе? Ол – Сенім! Өз күшіне деген Сенім, достарының мейірімділігіне деген Сенім, ертеңгі күннің шуақты болатынына деген Сенім. Күн сайын бойымызға күш-қуат құйып, көңілімізге шалқар шабыт, жүрегімізге ыстық махаббат сыйлайтында сол Сенім емес пе?
Мен Арманыма деген сенім арқылы бойыма жігер құйылуда. Сол арманға жету жолында әр нәрсеге тырысудамын.
Мамандық талдау - бұл өте маңызды іс. Өйткені біз өзіміз таңдаған мамандық саласында өмір бойы қызмет атқарамыз. Мамандықтың саны әр алуан: дәрігер, мұғалім, ұшқыш, есепші, аспаз, елші, қаржыгер, архитектор, механик, көлік жүргізуші, сазгер, сатушы, ғарышкер. Бірақ бұларды байланыстыратын маңызды факт - бұлар бәрі халық үшін қызмет атқарады. Ал халық үшін қызмет көрсету маңызды мәселе. Түркі тілдес халықтың "жеті рет өлшеп, бір рет кес" деген нақыл сөзін ұран етіп, мамандықты дұрыс таңдауымыз керек.