Қазақстан жануарлары.
Қазақстан жерінде алуан түрлі жануарлар мен өсімдіктер әлемі кездеседі. Мұнда омыртқалы жануарлардың 835 түрі бар. Соның ішінде сүтқоректілердің 178 түрі: құстың - 500-жуық, бауырымен жорғалаушылардың - 49, қосмекенділердің - 12, балықтың - 104, дөңгелекауыздылар немесе балықтәрізділердің 3 түрі тіршілік етеді. Атап айтқанда кез-келген адамға таныс аю, қасқыр, түлкі, қоян, кірпі, үйректер, тырна, қаз, аққу, бүркіт, улы сұр жылан, бақа, алабұға, шортан және тағы басқалар кездеседі. Таралуы жағынан олардың мекендері бірнеше зоогеографиялық аудандарға бөлінеді. Оларға дала және орманды дала, шөлейт және шөл, таулы аудандар жатады.
Қазақстанның солтүстігіндегі орманды дала белдемінде бұлан, елік, ақ қоян, сұр тышқан, су егеуқұйрығы, орман тышқаны, бұлдырық, ақ кекілік, көл айдындарын су құстары – аққу, қаз, үйрек, шағала, тарғақ, қасқалдақ мекендеген. Еділ өзенінің жағалауынан Алтай тауы бөктеріне дейінгі астық тұқымдас шөп пен жусан, бетеге өскен далалық белдемде суыр, дала алақоржыны, сүйірбас сұр тышқан, кәдімгі сұр тышқан, дала тышқаны, саршұнақ, ал құстан – дуадақ, безгелдек, жылқышы, сұңқар, бозторғайлар кездеседі.
Едәуір бөлігін Жайық өзенінің аңғарындағы орман алып жатқан далалық белдемнің батыс бөлігін бұлан, елік жайлаған, мұнда еуропалық қара күзен, жұпартышқан, орман сусары да кездеседі. Бұдан 200 жыл бұрын түгелдей жойылуға жақын қалған құндыз қайта пайда бола бастады. Қосмекенділерден Жайық, т.б. өзендердің аңғарында тарбақа, орман бақасы, т.б. кездеседі. Мұнда бұлдырық, сұр кекілік, тырна, бозторғай көп. Далалық белдемнің шығысында суыр, дала тышқаны, дала шақылдағы, ақ қоян, сілеусін, елік, арқар мекендеген.
Солүстік Балқаш маңындағы бірнеше жерден ғана тіршілік ететін бес башайлы ергежейлі қосаяқ та ерекше жануар. Мұнда құстан шіл, қылқұйрық, тырна, жек дуадақ кездеседі. Балқаш, Сасықкөл, т.б. көлдердің жағалауындағы қалың қамыс арасында бірқазан, жалбағай, ақ құтан, көк құтан, қарақаз, шағала бар. Алакөл айдынын өте сирек кездесетін, Қазақстанның “Қызыл кітабына” енгізілген реликт шағала қоныстайды.
Зайсан қазаншұңқырынан оңтүстікке қарай созылып жатқан тауларда марал, елік, арқар, сібір таутекесі, қоңыр аю, сілеусін, барыс, ұзынқұйрық саршұнақ мекендейді.
Біріншіден оларға заңсыз аңшылық. Қазіргі таңда броконьерлер әлі де маралдарды заңсыз атуда. Маралдың мұйізі мен етіне деген қызығушылық әлі де сұранысқа ие.
Екіншіден маралдар мекен ететін жерлердің табиғатының бұзылуы. Қазір еліміздің көптеген өңірлерінде қазба жұмыстары жүргізілуде, соның салдарынан киіктер өз мекенін тастап басқа жаққа қоныс аударуда, ал сол факторлардың барлығы оларға кері әсерін тигізуде.
Үшіншіден мемлекет тарапынан дұрыс қолдау жоқ. Қызыл кітапқа енді, атуға болмайтын заң шықты, айыппұл салынады бірақ киіктердің басын көбейту әлі де жете қолға алынбай отыр.
Алдымен, киіктер мекен ететін аймақтарды қорғау керек. Ол жерлерде ешқандай геологиялық болсын, басқа болсын ешқандай жұмыс жүргізілмеуі керек.
Содан соң киіктерді қорғап , басын көбейтетін қорықтары мен ұйымдар ашу керек.
Келесі заңды күшейтіп, айыппұл орнына адамдарды бас бостандығынан айыру қарастыру керек.