11упр
Объяснение:
Туған жер – адам өмірінде киелі орын алады. Нақты осы жер оны елімен, өткенімен және болашақпен байланыстырады. Міне, сондықтан да тіпті балалық шақтан бастап-ақ адамда отанға деген махаббат сезімі оянады. Әрбіріміз үшін Отан ошақ басынан басталады: туған жер, туған көше, туған қала немесе мен үшін туған кент. Менің Отаным, мен үшін аса қымбат жер Шырайлы Шымкент! "Шымкент қаласы қазақ халқының алтын ордасы", - деп бекер айтылмаған. Дәл осы жерде менің көңілді де, шаттыққа толы, уайымсыз балалалық шағым өтті. Туған жер ұзаққа қиып жібермейтін. Арман қуып, Алматы қаласына оқуға түсіп, шым қаламнан алыстап кеттім. Әрдайым өз туған жерімде болмасамда, оймен қиялдап туған көшені, есіктің алдын, әрбір бөлшегін еске түсіріп, сағынасың. Өзіңе қымбат жандардың барлығы да сол қалада.
Бүгінгі күні тәуелсіздікке қолы жеткен азат елміз. Иә, тәуелсіздікке қолы жеткендерде де бар, жетпегендер де бар. Бірлігі жарасқан халық та, түрлі ұлт пен ұлыстар, этностар да, сарқылмас қазына, әсем қала, көрсе көркі тартар табиғат та, биік шың, көл мен теңіз де бәрі-бәрі Қазақстанымыздың байтақ жерінде кеңінен таралған. Ел ішіндегі татулық пен бірлікті, өзара құрмет пен жарастықты нығайту жолындағы елбасымыздың атқарған қызметтерін мақтанышпен айта аламыз. Кім болмасын келер күнін тек жақсылықпен тосатыны хақ. Біз бейбіт елдің астында таңымызды атырып, күнімізді батырып жүрміз. Біз бейбіт елміз.