2-тапсырма Мәтінді мұқият оқып, жетекші сұрақтар қойыңыз (2-сұрақ). Сан есімдер
теріп жазып, мағыналық түрін анықтау.
Қазақстандық саяхатшы
Қазақ жігіті жер шарын велосипедпен араламақ, - деп хабарлайды
Азаттык. 26 жастағы Мағжан Сағымбаев 28 мың шақырым жолды жүріп
өтпек. 2014 жылдың 1 мамырында басталатын саяхат 2015 жылы наурыз
айында аяқталады. «Сапарымда Қазақстаннан бастап, Өзбекстан,
Түркіменстан, Иран, Түркия елдеріне барамын. Одан әрі Еуропаның 18 еліне
сапарлауды жоспарлап отырмын. Солтүстік Америкада АҚШ территориясын,
Аустралия, Малайзия, Тайланд, Камбоджа, Вьетнам, Қытайды шарлап
пығамын. Қытайдан кейін елге ораламын», - дейді саяхатшы. Ол күніне 50-
ден 200 шақырымға дейін жол жүруді жоспарлап отыр. АҚШ-ты 100 күнде,
Қытайды 90 күнде, Аустралияны 30 күнде аралап шықпақ. Мағжан
Сағымбаев: «Әр қаладан көрген-білгенімді әлеуметтік желі мен блогым
арқылы белісіп отырамын», - дейді.
Баланың жеке басының алғашқы қалыптасуы отбасынан басталады. Оның ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді.Жеке баланың бойындағы ар-ұяты, ақыл-ойы, адамгершілігі, басқа адамдармен қарым-қатынаста, мәдениеттілікті тәрбиелеуде отбасы алғашқы қадам. Сондықтан, отбасы өте қажетті, басқадай ешнәрсемен өзгертуге болмайтын баспалдақ. Отбасы – сыйластық, жарастық орнаған орта. Отбасы –бала тәрбиесінің ең алғашқы ұжымы.Отбасының басты қазығы, алтын тіреу діңгегі – бала. Баланың тәрбиелі болып өсуіне берекелі отбасының әсері мол. Отбасының әрбір мүшесі, өзара сөйлесіп, не болмаса ата-ананың, баланың міндетін атқару ғана емес, береке-бірлік, сүйіспеншілікпен араласса, босағасы берік, шаңырағы биік отбасына айналары сөзсіз.
Отбасы – баланың тірегі ғана емес, қоғамның да басты негізі.
Ата-аналары балаларын өнегелі сөзімен,жеке басының тәрбиесімен тәрбиелейді. Бала әр нәрсеге сенгіш, тез қабылдағыш,еліктегіш келеді.Әр бала сипағанды, жылы сөйлегенді,аяғанды,еркелеткенді,ертегі әңгіме тыңдағанды, ойын ойнағанды ұнатады.Бұл-баланың бойындағы үлкендерден ерекшеленіп тұратын негізгі қасиет. Бұл қасиеттер тек балаға ғана тән.Өйткені бала сезімі пәк.
Отанға және айналадағы қоршаған табиғатқа деген махаббат, адамдарға және еңбекке деген құрмет баланың кішкентай кезінен отбасында және балабақшада қаланады.Сондықтан отбасындағы, балабақшадағы және айналадағылармен қарым-қатынас жасаудың дұрыстығы өте маңызды.