Ұлт бейнесінің айнымас көрінісі – ұлттық киімі. Өз еліміздің өнерін, мәдениетін, салт-дәстүрін ұлықтамай, жас ұрпақтың бойында отаншылдық қасиетін тәрбиелеймін деу бекер. Осы орайда мектеп-лицейіміздің ата-аналардан құралған қамқоршылық кеңесінің ортақ шешімімен ұлттық нақыштағы киімдерді оқушылар мен ұстаздар қауымы киіп жүрміз. Бұл үрдіс республика бойынша алғаш доңыз жылының наурыз айынан бастап біздің №266 мектеп-лицейінде қолға алынған еді. Алғыс айту күнінен бастап осы үрдіс биыл да жалғасын тапты. Біркелкі ою-өрнекпен көмкерілген қамзолдар оқушылардың көркін ашып, көңілге ұлттық киімге деген мақтаныш пен құрмет сезімін ұялатады. Жоғары сынып қыз балалары ұлттық нақыштағы шашбау, алқа, сырғаларын тағып қазақ қызына тән ибалығын көрсеткенде көз қуанады. Ер балаларымыз ұлттық оюмен безендірілген жейдемен сабырлы, өр тұлғалы қазақтың батырларындай көрінеді.
Шалқыған Арал теңізі...
Арал теңізі - Қазақстан мен Өзбекстан шекарасында орналасқан сутоған. Теңіз ХХ ғасырда ауданы жағынан әлемде төртінші орында болған еді... Бүгінгі күнгі технологияның тоқтаусыз дамуының бір шеті Арал теңізінің тартылуына да әкеліп соққандай. Кезінде Арал теңізі бірден бір көгілдір су айдыны-туғын. Шекаралас елдерді жалғап жатырған бұл алып теңізге су жіберетін Әмудария, Сырдария өзендеріне халықтың сұранысы артуының себебінен, сонымен қатар шаруашылыққа көптеп пайдаланылғанның салдарынан Аралға құйылатын судың қоры азайды. Сол себепті қазіргі таңда Арал теңізі аянышты халде. Бұл бүкіл әлемді толғантатын проблемалардың бірі. Бұл теңіздің тартылу себебі, адамдардың табиғатқа селқос қарауынан. Егер, ауыл шаруашылығна жіберілетін су көлемі есепке алынар болса, табиғаттың жағдайын ескермей, көптеп егіндер отырғызбағанда бұндай жағдай орын алмас та еді... Тартылу себебінен тұздары жылына 2 млн тоннадай көтеріліп, адам ағзасына зиян келтіруде. Бұл адам жасаған зиянды әрекеті өзіне кері айналып келгенінің бір белгісі, бұл да көтерілер үлкен бір мәселе. Сондықтан, алға қарай табиғаттың мол қазынасын тиімді пайдаланып, өзге де байлық көзімізді мұндай жағдайға жеткізбейік! Арал теңізінің қалпына келуіне, табиғатты аялап бәріміз ат салысайық!