Ақтөбе өңірі, Хромтау ауданында Ойсылқара кесенесі бар. Этнографиялық-тарихи ескерткіш ретінде республикалық тізімге енген. Аспан астындағы құнды жәдігер. Бірақ мұны жергілікті халықтың бірі білсе, бірі білмейді. Ойсылқара - өркешті жануар пірі екенін Құмсай ауылының оқушылары тек кітаптан оқыған еді. Енді жазғы демалыстарын тарихи орында өткізіп, оның қорымын көзбен көрді. Аңыз астарында ақиқат бар. Есет осы уақытқа дейін Ойсылқараны қиялдан туған кейіпкер деп ойлаған. Енді оның өзі туған өлкеге табаны тиген адам екенін білді. Танымын кеңейтіп, тарихи әңгімелерді таңдана тыңдады. Есет Жақыбай, оқушы: – Көне дәуірдегі жазуларды оқығым келіп, ынтам туды және аз уақыттың ішінде тарихшы не археолог болам деген де ойлар туды. Былайша айтқанда, тарихи жерге келуімнің арқасында тарихқа деген қызығушылығым өте қатты оянды. VI ғасырда бұл жерде Ойсылқараның түйесі шөгіп, кейін тасқа айналған. Қорымы да осы жерде. Аңызға арқау болған тас обаларды археолог Серік Әжіғали бастаған ең мықты топ зерттеп, тіркеуге алды. Хромтау өңірінде бұдан өзге оннан аса ашық ескерткіш аспан астында тұр. Мөлдір Нұржанова, лагерь жетекшісі: – Мектеп бағдарламасы аясында ғана тоқтап қалмай, өзіміздің туған жерімізді әрі қарай зерттеп, тарихи жерлерге келу әлі де жоспарда бар. Хромтау жерінде этнографиялық-тарихи ескерткіштер кезең-кезеңімен зерттеліп жатыр. Қола дәуіріндегі қорымдар мен перм, карбон дәуірлеріндегі жер қыртыстары сақталған «Айдарлы аша» да шетел тарихшыларының таңдайын қақтырған. Мәтіннен үстеуді теріп жазып, мағыналық түрін ажыратыңыз.
Менің ойымша, адамдардың бәрі осындай қарапайым болса, өмір сүру әлдеқайда жеңіл болар еді. Сол үшін әр а қарапайымдылықтың үлгісі болып, осы игі қасиетті үйретуі керек деп ойлаймын. Менің түсінгенім, қарапайым жан айналасына сыйлы болады. Мейлі, оның ақшасы бар немесе жоқ болсын. Оны бәрі-бір бәрі құрметтеп, бағалайды. Себебі қасиеттердің абзалы, жақсысы саналатын қарапайымдылық адамды өзгелерден биік етеді. Қарапайым адам өзінің болмысымен-ақ өзгелерден ерекше болып тұрады. Сондықтан мен де қарапайым, жақсы адам болғым келеді. Айналамды үнемі қуантып, өзгелерге қол ұшын созып, елімнің гүлденуіне септігімді тигізсем деймін. Бұл менің үлкен мақсатым. Және соны орындау үшін барынша тырысатын боламын.