Әр елдің өзіндік салт-дәстүрлері, наным-сенімдері және тыйымдары бар. Кез-келген елге қонақ болып келген адам, қонақ қылған елдің салтын сақтауға міндетті деп ойлаймын. Бір елде жазаланбайтын іс-әрекет, келесісінде қатаң жазалануы мүмкін. Бір елде үлкен құрмет пен лебіздің символы аталған белгі, келесісінде мүлде басқа мағына беруі мүмкін. Мысалы, Америка және басқа батыс елдерінде көбінен таралған қолмен көрсетілетін "окей" белгісі, Түркия мемлекетінде жаман мағынаға ие. Сондықтан, саяхатшылардың құлағына алтын сырға - саяхаттамас бұрын, баратын елдің барлық қыр-сыры мен бүге-шігесіне дейін біліп алу қажет. Сол жағдайда ғана, сіздің басқа елдегі жүріп-тұрғаныңыз, сол ел азаматтарына қолайсыздық әкелмейді деп ойлаймын.
Мемлекеттік тілді білу – әр азаматтың міндеті! Әр халықтың басты байлығы, баға жетпес қазынасы – ана тілі. Қазақстан Республикасының негізгі тілі – мемлекеттік тілді, яғни қазақ тілін құрметтеп, оны білу – біздің әрқайсымыздың асыл парызымыз. Ана тіліне салғырт қарау - өз халқының өткеніне, бүгініне, болашағына немқұрайлы қарау деген сөз. Мемлекеттік тілдің қолдану аясын күннен-күнге кеңейтіп, оны шын мәніндегі қоғамдық қарым-қатынас тілі ету бүгінгі күн талабы екендігі баршамызға мәлім. «Жұмыла көтерген жүк жеңіл» дейді халық даналығы. Ендігі мақсат – тәуелсіз мемлекетіміздің қоғам өмірінің барлық саласында қазақ тілін кеңінен қамтамасыз ету. Қазақстан Республикасының Президенті Нұрсұлтан Назарбаевтың биылғы жолдауында Үкімет «Тілдердің үш тұғырлылығы» мәдени жобасын іске асыруды жеделдетуі тиіс. Бүкіл қоғамымызды топтастырып отырған мемлекеттік тіл ретінде қазақ тілін оқыту сапасын арттыру қажеттігіне ерекше назар аударғым келеді, - деп айтылған болатын. Сонымен қатар, Елбасымыздың «Қазақ тілінің мемлекеттік қызметте де, өндірісте де, ғылымда да, білім беруде де дәл орыс тілінше қолданылуы үшін бәрін істеу қажет» - деп қадап айтқан пікірі баршамыздың берік ұстанатын қағидамыз болуға тиіс. Қазақстан Республикасының ХХІ ғасырдағы болашағы, шығар биіктері саяси-экономикалық факторлармен қатар, оның мемлекеттік тілі – қазақ тілінің де дамуына тікелей байланысты. Қазақ тілінің мемлекеттік тіл мәртебесі Ата Заңымызда анық айқындалған. Елбасымыз да «Қазақстанның болашағы – қазақ тілінде!» деп қадап көрсетті.
