Объяснение:
Көпшілік мінетін көліктердегі әдептілік сақталады ма?
Әдептілік - қалыптасқан ұлттық мәдениеттің белгісі, ұлттық қазақи тәрбиенің ізгі бастауы. Игі әдеттен әдет - ғұрып қалыптасып, одан әдеп пайда болады. Қазақ халқы қашан да үлкенді сыйлап, кішіге ізет көрсеткен халық. Аналарымыз бізді сәби күнімізден бастап әдепті болуға тәрбиелейді. Осы ақ жаулықты аналарымыздың берген ізгі тәрбиесін бойымызға сіңіріп, салиқалы ұрпақ болып өсейік! Ер жеткен кезде ата - анамызды жерге қаратпау - біздің міндетіміз.
Әрине, адам болған соң бойымызда жақсы - жаман қасиеттер бірге жүреді, үнемі жақсы бола бермейтініміз анық, дегенмен, менің ойымша көпшілік орындарда, атап айтқанда қоғамдық көлікте әдептілік үнемі сақтала бермейді деп жиі қынжыламыз. Бірақ әдептіліктің өзімізден басталатынына мән беріп көрдік пе? Менің ойымша, адам әуелі өзінен бастап, өзіне жоғары талап қоя білу керек. Себебі, сіз өзіңізді қоғамда қалай ұстасаңыз, өзгелер де сізге сондай қарым - қатынаста болады. Және соңғы уақытта көршіліктің аузында жүрген "өмір - бумеранг" деген қағиданы есте сақтағанымыз абзал. Мысалға алып қарайтын болсақ, таңертеңгілік қоғамдық көлікке мінген кезімізде әдептілік пен сыпайылық танытып, үлкен адамдарға орын беріп, ешкіммен итеріспей, өз көңілімізді өзіміз бұзбасақ, күніміз де тамаша өтетін секілді? Сол арқылы сіз өзгелердің де көңілін түсірмей, келер күнге жақсы көңіл - күй сыйлайтыныңыз анық. Себебі, таңертеңгі іс - әрекет пен көңіл - күй бүкіл күнімізге әсерін тигізеді. Сондықтан әдепті болуды өзімізден бастайық!
Бұл суретке қараған кезде қаймағы бұзылмаған қазақ халқының тіршілігін елестетуге болады. Бұл жерде қазан, торсық, ағаш кеселер, ер тоқым, көрпеше тоқуға арналған құрал, садақ, қайрақ т.б заттар көрсетілген. Барлығымыз білетіндей бұл заттардың барлығы ата-бабамыздың қолданған тұрмыстық заттары болып табылады. Қазан - қазанды бұрындары ғана емес қазіргі кездеде аналарымыз бен апаларымыз тамақ пісіруге қолданады. Торсық - бұл ыдыс бұрынғы кездері кез - келген батырдың жанынан табылатын болған. Бұл ыдысқа не құйған десеңіз, айран, сүт, шұбат, қымыз, су секілді сусындардың бірін құйып салқын күйінде сақтауына мүмкіндік берген. Ағаш кеселер - бүгінгі күні де сорпа ішуге қолданылады. Ер тоқымды жылқының үстіне міңгестіретін болған.