Көл — тікелей теңізбен қосылмаған құрлықтар өңіріндегі суға толы дербес ойыстар. Ауқымды кеңістікті қамтитын, суы ащы көл түрлері теңіз деп аталып жүр (Каспий, Арал теңіздері).[1] Жер шарындағы көлдердің жалпы ауданы 2,1 млн. км2 (құрлық ауданының шамамен 1,4%-ы). Ондағы жинақталған судың көлемі 176 мың км3, оның 52%-ы тұщы су, 48%-ы ащы су. Көлде эндемик түрлер, кейде реликт түрлер тіршілік етеді. Жер шарының ең ірі көлі – Каспий теңізі, ең терең көлі – Байкал. Қазақстанда Каспий мен Аралды қоспағанда, 48262 көл бар, олардың жалпы ауданы 45032 км²
Тұзды көлдерде ас тұзының, калий тұздарының, сода, йод, бром және т.б. минералды шикізаттың мол қоры шоғырланған. Каспийдің қайраңында мұнайдың мол қоры шоғырланған. Көлдерде балық шаруашылығы дамыған, ал ірі көлдер көлік қатынасына пайдаланылады.
Тамыры терең текті тіл эссе
Үніме үн қосып,саралы-сапалы , көркем, тамыры кеңге жайылып, тарихтың әр қилы кезеңінен сыр шерткен қазақтың тілі -текті тіл. Шыр етіп жарық әлемге қадам басқан сәттен бастап, Ана үнімен бойыма дарыған мына менің тілім, құдды бір ат дүбіріндей денедегі сезім мүшелерін оятқандай күшті дермісің! 42 әріп, 42 дыбыс менің тілімде хорда тұрған әнші бұлбұлдар ұқсап сайрап тұр.
XIV-XVI ғғ. аралығында жалпы Дешті Қыпшақ даласын шарлаған қазақ жұртының ру-тайпаға жіктелуі қазақ тілінің алғашқы іргетасын қалап үлгерді. Сол дәуірден бастау алған бұл процесс кейінгі "Желтоқсан" оқиғасына дейін жалғасты. Орыс отаршылдарының құрығына түскен қазақтар , қазақ зиялылары "Казак" сөзін "Казах" етіп ауыстыру жолында да , "Халық жауы" атағын алып, шейіт болғандығын бірі білсе, бірі білмес. Ендігі сол қилы заманнан бірден біздің заманға оралайық. Бауыржан атамыз : "Екі қазақтің бір-бірімен орысша сөйлесіп тұрғанын қорқамын" дегеніндей, дәл қазір осы сөз тіркесі шындықпен тұспа-тұс келіп отыр. Үйде де,түзде де өзімізше орысшаны қазақшаға шұбарлатып сөйлейтініміз қанша жасыруға тырысқанымызбен қолдан келмейтін іс. Иә,айналаға зер салып қараңыз. Нені көрдіңіз не болмаса нені естідіңіз? Әрине,өз тілін ерікті түрде қолданбай,орыс тілінде масаттана сөйлеп отырған қазақ жастарының үні . Бірі үшін бұл типте сөйлеу заман талабына сай сөйлеу мәнері болып табылуы мүмкін және бұл дәл солай. Ал енді қарасаңыз бұл орны толмас-қасірет. Біз өз тілімізді өзіміз тұншықтырудамыз. Іштен шыққан жау- бұрынғы дәуірмен алғанда елді сату еді,ал дәл қазір -тілді сату .
Сүйемін туған тілді – анам тілін,
Бесікте жатқанымда-ақ берген білім.
Шыр етіп жерге түскен минутымнан,
Құлағыма сіңірген таныс үнін, -демекші , ең негізгі құндылығымызды сақтап қалайық. Елдің өсуі - тілден, халықты таныту - тілден . Абай әрлеп , Жамбыл қосыла қобызымен тербетлткен тіл - қашан да ұлы , қашан да қасиетті,құнды болмақ.
