Отан отбасынан басталады деп бекер айтпаған. Әрбір адамзаттың — алтын ұясы десе алдымен отбасы ойымызға орала кетеді. Бала отбасында әкеден ақыл, анадан мейірім алады. Мен өз отбасымды мақтан тұтамын. Біздің отбасын үлкен отбасы десе де болады. Мен өз отбасым жайлы толығырақ айтқым келеді. Менің отбасымда жеті адам бар. Олар: атам және әжем, анам мен әкем, тәтем мен інім және мен. Біздің отбасымыз бақытты. Отбасының тірегі — сүйіспеншілік, бірлік және сенім. Отбасы жоқ адам қанатсыз құспен тең. Ал бір-бірін сыйлап, бірін-бірі сүйіспеншілікке бөлеп отырған отбасысы, бар адамдар өте бақытты жандар. Себебі қандай да бір қиыншылық болған жағдайда, отбасыңның ауызбіршілігі мықты болса, кез келген қиыншылықтан жұмылған жұдырықтай өте шығасың. Ал мен өзімді ең бақытты жанға теңеймін. Себебі менің отбасым қасымда. Маған ақылын айтып отыратын атам, маңдайым иіскеп айналып отыратын әжем бар. Отбасының барлық жағдайын жасап қамқорлық көрсететін әкем, дәмді асын дайындап, күннің шуағындай мейірімге бөлейтін анам бар. Білмегенімді үйрететін тәтем, меніңде кішкене болса да ересек екенімді еске жиі түсіретін інім бар. Біздің отбасының ерекшелігі дастарқан басында әрдайым атамның асты бастауымен және тамақтан кейін бата берген соң ғана орнымыздан тұрамыз. Әжем бір бірімізге сөйлегенде жылы да мейіріммен сөйлеуімізді әрдайым айтып отырады. Сендер бір біріңе қонақсыңдар. Әрдайым бір біріңді бірінші көргендей және ұзақ уақытта сағынып көргендей бағалаңдар дейді. Мен отбасымның осы қалпынан таймай, бақытты ғұмыр кешкенін қалаймын.
Адамға мектеп ең алдымен болашағына қажет білімнің іргетасын қалауы үшін керек. Қазіргі заманауи мектептерде барлық білімді дайын күйінде бере салмайды, сонымен бірге өзіндік жұмыс жасау дағдысын қалыптастырады: әртүрлі дереккөздерінен ақпараттарды іздеу және олармен жұмыс жасау, алынған мәліметті жүйеге келтіру, алынған білімді қорыту арқылы тәжірибеде қолдану. Соңғы жылдары мектептің құрылымы мен жүйесіне көптеген өзгерістер енгізілуде: мұғалімдер сабақ жоспарын қайтадан дайындауда, білім берудің жаңа әдіс-тәсілдерін қолданып сабақ өткізуде. Оқушылар көптеген шығармашылық, тәжірибелік, жобалық тапсырмаларды орындауда. Оқушылардың көп бөлігі зерттеу, ғылыми-зерттеу жұмыстарымен айналысып, ғылыми-практикалық конференцияларға, интеллектуальды конкурстармен олимпиадаларға қатысуда. Мұның барлығы баланың жаңа заман көшіне ілесе алатын, сауатты адам болуына көмектеседі. Және бұл мағынасында мектеп керек, мектептің берері мол. Дегенменде оқу ордасы — тек білім алатын жер емес, ол әлеуметтік-қоғамдық даму ортасы. Ол қарым-қатынас дағдысын қалыптастырады, адамдармен еркін тіл табысуға үйретеді. Мектепте баланың өзін жан-жақтан сынап көруіне мүмкіндіктер жасалған. Сондықтанда мектепті шағын ғана сынақ ортасы десекте артық емес. Мектептерде балаларға арналған қоғамдық ұйымдар жұмыс жасайды. Ол жерде бала өзінің барлық талантын көрсету арқылы, өзін таба алады. Мектеп бұл — жаңа достар табатын жер, мұғалімдердің тәрбиесін, ақыл-кеңестерін тыңдайтын орта, баланың қалыптасу деңгейіне әсер ететін білім ордасы. Қазіргі кезде технология дамып жатқан заманда мектептің де дами беретіні белгілі. Сондықтанда қазіргі мектептердің көп бөлігі жаңа технологиялармен жарақтандырылған. Мектептің баланың ақыл-ой,дене еңбегін дамытуға берер көмегі өте мол.
Мектеп туралы қызықты фактілер
1. 15 жасында Билл Гейтс өзі білім алған мектеп әкімшілігінен оқушыларды сыныптарға бөлетін бағдарлама жасау туралы тапсырма алады. Билл Гейтс берілген тапсырманы артығымен орындады. Ол өзінің сыныбына ең әдемі қыздарды бағдарлама көмегімен жинап алған.
2. Көптеген дереккөздерінде нашар оқитындардың еңсесін көтеру мақсатында болуы керек Эйнштейннің математика пәнінен құлап қалғаны және оның барлық сабақтан көрсеткіштері төмен болғандығы туралы айтылады. Негізі бұл ақпарат қате. Альберт Эйнштейн кішкентай кезінен бастап математикаға жүйрік болған және оны мектепте оқып жүргендерден кем білмеген. Кейінірек Эйнштейн Цюрих атындағы Швейцария жоғары политехникалық мектебіне түсу кезінде математика мен физика пәндерінен жоғары көрсеткіш көрсетіп, қалған пәндерден қажет жинай алмаған. Сол пәндердегі үлгерімін көтеріп, 1 жылдан кейін 17 жасында ол сол мектептің студенті атанған.