Неологизмдер – ғылым мен техниканың дамуына байланысты тілге ене бастаған жаңа сөздер. Мысалы: кеден, ұшақ, жарнама, делдал, зейнетақы, саябақ т.б.
Неологизм негізінен мына жолдармен жасалады:
Бұрыннан бар сөздерге түрлі жұрнақтарды қосу арқылы: оқулық, көрермен, балмұздақ, өміршең т.б.
Жалқы есімдерді жалпы есімдерге айналдыру арқылы: суворовшылар, мичуриншілер т.б.
Екі сөзді біріктіру арқылы: келіссөз, ұлтаралық, жетіжылдық т.б.
Кейбір неологизмдер сөз тіркесінен де жасалады: агротехникалық шаралар, жергілікті тыңайтқыштар, шаруашылық дақылдары т.б.
Мысалы: Менің ағам "кеден қызметінің үздігі" марапатына ие болды.
Қазіргі таңда көптеген жарнама ғаламтор арқылы жасалады.
Биылғы жылдың шілде айынан бастап зейнетақы мөлшері тоғыз пайызға көтеріледі.
Демалыс күндері отбасымызбен Жеңіс саябағында серуендегенді ұнатамыз.
Мамыр айының соңғы күндері оқулықты кітапханаға тапсырып, оқушылар бір демалып қалады.
Кеше Мәдениет үйінде өткен Қуандық Рахымның концертінде зал көрермендерге лық толы болды.
Ресми мәліметке сенсек , әлемдегі 256 ұлттың 130 - дан астамы Қазақстанда тату - тәтті өмір сүріп жатыр екен . Қазақстанда ресми түрде тіркелген этностар : 1. Қазақтар 2. Орыстар 3. Өзбектер 4. Украиндар 5. Ұйғырлар 6. Татарлар 7. Немістер 8. Кәрістер 9. Әзірбайжандар 10. Белорустар 11. Түріктер 12. Дұнгандар 13. Поляктар14. Күрдтер 15. Шешендер 16. Тәжіктер 17. Қырғыздар 18. Башқұрттар 19. Ингуштер 20. Молдавандар т.б. Түрік халқының ұлттық тағамдарын әзірлеуді үйреніп жүрмін . Біздің мектеп қазақ гимназиясы болғанымен , мұнда немістер , орыстар кәрістер мен тіпті башқұрттар да білім алады . Біздің көршілеріміз - түрлі ұлт өкілдері , барлығымыз тату - тәтті тұрамыз , орыс шешен , тәжік , белорус мейрамдарын бірге тойлаймыз .
Денім сау болсын десең...
Денім сау болсын десең, салауатты өмір салтын ұстанып, спортпен шұғылдану керек. Мен өз басым күн тәртібіме спорттық жаттығуларды кірістіріп, күнделікті үзбей жаттығып жүрмін. Сонымен қатар ата-анам үйімізде үнемі маусымға байланысты жеміс-жидектер болуын қадағалап отырады, себебі олардың құрамында табиғи дәрумендер бар.
Спорт денсаулық кепілі болғандықтан, өз денсаулығымызға немқұрайлы қарамауымыз керек және әрбір адам жасы мен жұмысына қарамастан денсаулығына көңіл бөліп, спортпен шұғылдану керек деп ойлаймын. Өз басым спорт үйірмесіне күнде бармасам да, күнделікті таңертең жаттығу жасаймын. Спортпен шұғылданудың арқасында денім сау, ал өзім шымыр боламын, көңіл - күйім де жақсы, әрі көтеріңкі болып жүреді. Менің ойымша, соынмен қатар соңғы кезде қоғамызда етек алып бара жатқан "ғаламторға тәуелділік" деген әдетімізден арылып, бір мезгіл ұялы телефонсыз уақыт өткізіп, оның орнына таза ауада серуендегеніміз қандай жақсы?!
Денсаулық баға жетпес құндылық болғандықтан, біз салауатты өмір салтын ұстанып, денсаулығымызды күтуіміз керек. Сонымен қатар, соңғы уақытта дұрыс тамақтану да өзекті болып отыр. Бұл да оң өзгеріс деп санаймын.
Сонымен мен өз-өзіме денсаулығымды күтіп, спортпен шұғылданып, дұрыс тамақтануға уәде бердім.