Ата-бабаларымыздың қызды құндызға теңеуі бекер емес. Бәріміз білетіндей, құндыздың терісі бағалы әрі құнды болып келеді. Сонымен қатар халқымыз "Қыз өссе елдің көркі" деп қызының тәрбиесіне ерекше мән берген. Ұлды жұлдызға теңегені - оның елге біткен ері деуге болады. Өйткені нағыз ер жігіт қана еліне қорған бола алады.
Қазақ халқының балаларын тәрбиелеуінде қыздың орны ерекше. Халқымызда ұят ұғымы қатаң сақталған. Болашақта қыз ұзатылып барғанда қайын жұртының сөзіне қалудан сақтанған. Мысал ретінде есік көрмеген қыздардың шашына түрлі әшекей бұйымдар тағуын алайық. Ойын қызы осы бұйымдардың дыбысын шығармау үшін ақырын жүретіні белгілі. Осы арқылы болашақ бір әулеттің келінін байсалдылыққа, салмақтылыққа бейімдеген.
