Мәтінді мұқият оқып, негізгі ақпаратты диаграммаға түсіріңіз. Түркістан – біздің еліміздің ең көне қалаларының бірі. Бұл 1500 жылдық тарихы
бар қала – бір кездері Қазақ хандығының астанасы болған.
XI ғасырда Қожа Ахмет Ясауи кесенесі салынғаннан кейін, Түркістан қаласы
барлық түркі халықтарының діни орталығына айналды. Оны «Екінші Мекке» деп
атаған.
XVII ғасырдың басынан бастап, ол қазақ мемлекетінің астанасы болды. Аңыз
бойынша Әмір Темір, бұл кесенені тұрғыза бастаған кезде, құрылым бірнеше рет
түсініксіз себептермен құлап қалған. Осыдан кейін Темірланның түсіне, алдымен
Ясауидің ұстазы Арыстан бабтың кесенесін салу керек екендігі туралы бұйрық келді.
Сондықтан, адамдар өз қажылығын Арыстан баб кесенесінен бастайды. Ясауидің
өмірінің соңғы күндері өткен жер асты мешіті, әлі күнге дейін сақталған. Қазіргі
уақытта, ол мұражайға айналды. Сондықтан, кез-келген адам оны аралап, өз бағасын
бере алады.
Қасиетті қаланың жанында, Домалақ ана мазары орналасқан. Белгілі аңыз
бойынша, қазақтың 3 жүзі, оның балалары Албан, Суан және Дулаттан шыққан.
Жергілікті тұрғындар, Түркістандағы құдықтың қасиетті екендігіне сенеді. Олардың
айтуынша, бұл құдықтан күнәсіз адам ғана су ала алады. Ежелгі заманда, адамның
қандай екендігін осылай тексерген. Абылай хан, Есім хан, Қазыбек би, Әбілқайыр хан
және т.б. мемлекет қайраткерлерінің қабірлері осы қалада орналасқан. Қаратау
жотасының етегінде, Бәйдібек атаның кесенесі тұр. Бұл адам – қазақ халқын
басқыншылармен күресу үшін біріктірген ұлттық қаһарман.
Құстар келді
Шуақты көктемді табиғатта тіршілік иесінің бәрі тағаттана күтеді десем, артық айтпаспын. Себебі көктем келісімен, айналадағы тіршілік атаулының бәрі қысқы ұйқыдан оянып, жер жүзі құлпыра түседі. Күннің көзі жарқырай түсіп, жылы жақтан құстар қайтып, бейне бір "көктем келді!" деп жарыса айналаға жар салғандай әндете түседі. Құстарды «көктемнің жаршысы» десек те болады. Жыл құстарының ішінде ең алғаш болып ұшып келетін құс - ұзақ, қарғадан сәл кішілеу, егер ұзақ ұясын биікке салса жаз жылы, шуақты болады, ал егер де төменге салса онда жаз салқын, жаңбырлы болады деп болжайды.
Құстар - керемет тіршілік иелері, әрі құстар - біздің досымыз. Көк аспан құстардың мекені, аспанды құссыз елестету мүмкін емес.
Міне, кезекті көктем келіп, күн жылынғанымен қоса, көктемнің жаршылары – құстар да жылы жақтан қайтуда. Жан – жақтың бәрінен тамаша құстардың сайраған дауыстары естіледі. Олар табиғатқа ерекше сән беріп, құстардың әуені табиғатты құлпыртып, адамдардың көңіл-күйін көтереді. Сөзімді әдемі өлең жолдарымен аяқтағым келеді:
Құстар, құстар келеді
Жерді шуға бөледі
Көктем келді деп бізге
Жақсы хабар береді.
Ән құрадым әніммен
Сән құрадым гүліммен
Қуантамын бәріңді
Құт - береке күнімен!