Халқымыздың "Қыз өссе, елдің көркі, гүл өссе, жердің көркі" деген мақалының мағынасын мен былай түсінемін: қыз бала жаратылысынан өте нәзік жанды, сүйкімді болып келеді. Ал қыз баланың әдепті, қылықты, тәрбиелі болып өсуіне құрбы - құрдастарының, достарының, өскен ортасының ықпалы зор. Сондықтан бойжеткен қыздың тәрбиелі әрі әдепті болып өсуі оның отбасының мақтанышы, яғни көркі деп айтса болады. Ал "гүл - жердің көркі" дегеніміз - жайқалып өскен әсем гүлдердің қоршаған ортаның көркіне көрік қосары анық.
Бурабай.
Көптен күткен жаз мезгілімен қоса жазғы демалыс та келіп жетті. Төрт тоқсан бойы сабақ оқыған мектеп оқушылары асығыспен күтетін бұл мезгіл небір қызықты оқиғаларға толы болады ғой. Мен биылғы жазғы демалысымды отбасыммен шер шоқтығы атанған Көкшетау өңірі, атап өткенде Көкше өлкесіндегі ғажайып мекен – Бурабайда өткіздім.
Бурабай – мемлекеттік ұлттық табиғи саябағы, бұл өңірді ел арасында «Қазақстандық Швейцария» деп те атайды. Оның бірнеше себебі бар, ең алдымен бұл мекеннің әсем табиғатын сөзбен суреттеп жеткізуге мүмкін емес. Бурабай табиғаты көз тартар сұлулығымен, ауасының тазалығымен тартымды. Биік таулар, көгілдір көлдер, қарағай мен қайың ағаштары өлкенің сәнін кіргізеді. Жыл сайын бұл жерге Қазақстанның түкпір-түкпірінен, сондай-ақ, алыс және жақын шетелден демалушылар келеді. Бурабайдың балшығы мен минералды суы емдік қасиетке бай.
Біз отбасымызбен осындағы қонақ үйлердің біріне орналастық. Күнделікті көлге шомылуға барып, ал одан соң түрлі экскурсияларға баратынбыз, солардың ішінде Абылай алаңы, Оқжетпес, Ұйқыдағы батыр, Жұмбақтас ерекше әсер қалдырды. Жазғы демалысымды қызықты әрі денсаулыққа пайдалы өткіздім. Енді отбасымызбен қысқы мезгілде келіп демалсақ деп жоспарлап та қойдық.
Анасы баласын туған авар тілін ұмытқаны үшін оны өлі деп санады. Анасы тілді ерекше құрметтейтіні байқалып-ақ тұр. Егерде мен суретшінің анасының орнында болсам дәл солай істер едім.