Кез келген елдің тілегі де, оның арманы да халқының бейбітшілігін сақтау екені сөзсіз. Елінің экономикасын дамытып, халқының қауіпсіздігін нығайту арқылы ішкі тұрақтылықты қамтамасыз етеді. Өйткені, бейбіт өмір бақыт, береке, бірлік әкелумен бірге, өрлеу мен өркендеуге жол ашады. Дана халқымыз «Байлық байлық емес, бірлік – байлық» деп бекер айтпаса керек. Бұқара халық әрдайым тыныштықта, мәңгілік бейбіт өмір сүруді армандайды. Ал ұрпағының амандығы келешегінің кемелдігін білдіреді. Өткен тарихқа көз салсақ, адамзат небір сұрапыл соғыстардан көз ашпады. Қаншама елдер соғыс зардабынан құлдырап, азып-тозды. Талай жазықсыз жандар сол зұлматтың зардабын шекті. Мұның барлығы бейбітшілік кеткен жерді берекесіздік жайлайтындығын тайға таңба басқандай етіп анық көрсетуде. Бейбітшілікті сақтау, соғыс отын тұтатпау, бейбітшілік үшін күресу қазіргі ХХІ ғасырдың да ең өзекті мәселелерінің біріне айналды. Содан болар, халықаралық қоғамдастық бейбітшілікті жалпыадамзаттық құндылықтар қатарына қосып отыр.
«Медеу» мұз айдыны тау ортасында жатқан үлкен кесе сияқты. Қарасаң айналаңда жаз. Арша, шырша, үйеңкі ағаштары өсіп тұр. Күн ыстық. Осындай ыстық күндері де балалар конькилерін қолтықтарына қысып «Медеу» мұз айдынына асығады. Мұз айдынында кәдімгі қатты мұз. Суды мұздатқыш қондырғылардың көмегімен қатырған. Медеудегі мұз айдыны – дүние жүзіндегі теңдесі жоқ мұз. Медеуде талай-талай дүниежүзілік рекордтар туды.