
Басты бет АҚПАРАТ
КӨНЕ ЖӘДІГЕРЛЕР – КӨРМЕ СӘНІ
20/07/2017
0
9880

Есік қорғанынан табылған Алтын адамның көшірмесі, Жамбыл Жабаевтың домбырасы мен тұрмыста қолданған бұйымдары, Балпық бидің ұрыста киген дулығасы Астана төріндегі Қазақстан Қарулы күштерінің əскери-тарихи музейінде келушілер назарына ұсынылды. Алматы облысының Мəдениет күндері аясында өңір мұражайларынан мұнда барлығы 231 экспонат пен Көркемсурет галереясынан 30-ға жуық картина əкелініпті.
М. Тынышпаев атындағы облыстық тарихи-өлкетану музейі директорының орынбасары Күлəш Исабекованың айтуынша, көрмеге Талдықорғандағы өлкетану музейінің, Кербұлақ ауданындағы Шоқан Уəлихановтың мемориалдық музейінің, Еңбекшіқазақ ауданындағы «Есік» мемлекеттік тарихи мəдени қорық музейінің экспонаттары қойылған. Ал Талдықорғандағы Көркемсурет галереясы мен Жаркент қаласындағы Əбілхан Қастеевтің көркемсурет галереясынан əкелінген акварельмен, майлы бояумен қағазға, кенепке, ағашқа салынған суреттер астаналықтар мен қала қонақтарының қызығушылығын туғызды.
Келушілерге экскурсоводтар қазақ, орыс, ағылшын тілдерінде жəдігерлер мен олардың тарихы туралы кеңінен əңгімелеп отырды. Мəселен, Балпық бидің XVIII ғасырда қалмақтармен соғыс кезінде киген дулығасын ұрпақтан ұрпаққа көздің қарашығындай сақтап келген Жоламан ауылында тұратын тікелей ұрпағы 1980 жылдары мұражайға əкеліп тапсырған. Ал жыр алыбы Жамбылдың мулине жібімен тоқыған портретін 1930 жылдары Өзбекстанның он алты жасар суретшісі ақынға сыйға тартқан.
САЙТТАРДЫ АШУ АРҚЫЛЫ КЕЗ КЕЛГЕН АДАММЕН ЕРКІН СӨЙЛЕСЕ АЛАМЫЗ. ИНТЕРНЕТ ЖҮЙЕСІ ӘР АЛАМҒА ҚАЖЕТ. ИНТЕРНЕТ АРҚЫЛЫ ЖЕДЕЛ АҚПАРАТ АЛА АЛАМЫЗ. ПОШТА ҚЫЗМЕТЫ ОСЫ ЗАМАНДА БӘСЕҢДЕП БАРАДЫ. ИНТЕРНЕТТІҢ БАСТЫ ЖУМЫСЫ ХАБАРЛАМА ТАСУ.
ЖАҢА ЖЕЛІ ҚАЗІРГІ КЕЗДЕ ӨТЕ КЕРЕК.