3-тапсырма Сөйлемдерде берілген үстеулердің түрлерін анықтаңыз.
Үстеу
( Наречие) Мекен
( места) Мезгіл
( времени)
Жұлдызға қарай ұшты.
Түнде жұлдызшы бақылады
Жұлдыздар әрі-бері қозғалады.
Биыл меториттер жауыны болады.
Қазақстан - көп ұлтты ел. 1991 жылы 16 желтоқсанда Қазақстанның Жоғары Кеңесі Қазақстанды тәуелсіз мемлекет деп жарияланды. Бұл күн – Қазақстан тарихына «Тәуелсіз Қазақстан Республикасының туған күні» деп алтын әріптермен жазылған. Сондықтан да 16 желтоқсан – бүкіл халықтық мереке. Тәуелсіздік -республикамыздың барлық халықтарына еркіндік, бостандық әкелді.Егеменді ел болып,халқымыз өз еркімен тұңғыш Президентін сайлады. Елтаңбамызды, Туымызды,белгіледі.Ұлттық валюта айналымға енді. Қазақ тіліне мемлекеттік мәртебе берілді. 1991 жылы Тоқтар Әубәкіров ғарышқа ұшып, ұлттың мерейін көтерді.
Қазақ - қонақжай халық. Сондықтанда біз бейбітшілікте, тату-тәтті өмір сүріп жатырмыз. Отанды сүю - әрбір қазақ азаматының міндеті. Өткенді ұмытуға болмайды. Ол - біздің тарихымыз. «Отан үшін отқа түс күймейсің» –деп Бауыржан Момышұлы бекерге айтпаған.
Задание заключается в том что нужно выделить и написать времена, места и наречия
Қазақстанның ежелгі қалалары.
Еліміздің аумағында көптеген ежелгі қалалар мен қала орындары сақталған. Сөздікке сүйенер болсақ, ежелгі қала дегеніміз - археологиялық деректер негізінде анықталған ежелгі қала қоныстары. Тарих беттерінен Басқамыр, Баласағұн, Аяққамыр, Сарайшық, Сауран, Отырар, Созақ, Испиджаб, Мерке секілді қалалар барлығымызға мәлім. Енді осы ежелгі қалалар ішінде ең көне және ең танымал бес қала жайлы айта кетейік.
Еліміздегі "ең көне қала" атағы Тараз қаласына тиесілі. Бұл қаланың 2000 жылдан астам тарихы бар. Қала орта ғасырлардан бері "Тараз" атымен белгілі болған. Бұл көне қаланың Ұлы Жібек жолы бойында ерекше маңызы болған.
Келесі орында 1500 жылдан астам тарихы бар ежелгі әрі қасиетті қала Түркістан. "Қасиетті" деп атауымның бірден - бір себебі бұл қалада Арыстанбаб кесенесі, Қожа Ахмет Яссауи кесенесі, Қарашаш ана кесенесі т.б. секілді тарихи қасиетті орындар бар. Қаланың іргетасы – V-VІ ғасырларда қаланған.
Шамамен 1400 жылдай тарихы бар Құлан қаласы да көне қалалар тізімінде өз орны бар. Саяхатшылар қолжазбаларында Құлан Тараз қаласының шығысына таман, Ұлы Жібек жолындағы қала деп көрсетіледі.
Қазақстанның орта ғасырлардан бері әйгілі қалаларының бірі - Отырар қаласының шамамен 1300 жылдан астам тарихы бар. Қаланың қалдығы Отырар төбе деген атпен белгілі. IX ғасырда қала мәртебесіне көтерілді. Отырар қаласы құрылған кезінен бастап аса ірі кітапхана мен мәдени ошақтарға бай болды.
Бұл тізімде бесінші орында иемденген 1000 жылдан астам тарихы бар қала - оңтүстік астанамыз Алматы қаласы. Археологиялық зерттеулер VII-IX ғасырларда қазіргі Алматы қаласының территориясында бірнеше елді мекендердің болғанын, олардың IX-X ғасырларда қалашықтарға айналғандығын көрсетеді.
Сіздің бұл көне қалалар жайлы естуіңіз бар ма?